Accessibility links

якшәмбе, 11 декабрь 2016, Казан вакыты 16:53

“Şoñqar” yäşlär jurnalı dusların qunaqqa cıydı


Başqortstandağı iñ populyar matbuğat basmalarınıñ berse – yäşlärneñ “Şoñqar” jurnalı comğa kiçen Ufadağı Neft''çelär mädäniät sarayında üz uquçıları belän bik matur kiçä ütkärä. Älege bäyrämgä jurnalnı uquçılar da, respublikadağı tanılğan şäxeslär – ğalimnär, yazuçılar, şağirlär, milli oyışmalar wäkilläre dä qunaqqa çaqırıla. Bäyräm kiçäsen respublikadağı tanılğan sänğät ostaları häm yäş talantlar üz cırları häm iyülläre belän bizi. Bäyräm barışında jurnal xezmätkärläre uquçılar arasında lototron uynata häm jurnalğa kiläse yılğa yazılu da oyıştıra.

“Şoñqar” jurnalı soñğı yıllarda bik uqımalı basmağa äwerelde. Başqa milli jurnallar üz uquçıların yuğalta barğan ber çorda, “Şoñqar”nıñ abunäçeläre xäzer 10 meñgä citä. Kiläse yılğa yazılu da yaxşı bara. Yäşlär jurnalın ölkän häm urta yäştäge keşelär dä bik teläp aldıra. Çönki anda canıñ telägän temağa yazmalar tabarğa mömkin. Ayıruça başqort häm tatar xalıqlarınıñ kürenekle şäxesläre, säxnä ostaları xaqındağı yazmalar bik qızıqlı anda. Ğomumän, başqa jurnallar “Şoñqar”dan ürnäk ala.

XS
SM
MD
LG