Accessibility links

шимбә, 10 декабрь 2016, Казан вакыты 17:50

Törkiä mäxkamäsendä Orhan Pamuk eşen qaraw 7 fevralgä kiçekterelde


Üz xalqın räncetüdä ğäyeplänüçe kürenekle törek yazuçısı Orhan Pamuk eşen qarawçı mäxkamä utırışı açılğannan soñ küp tä ütmästän kiçekterelde. İstanbuldağı mäxkamä xäkime Yustitsiä ministrlığına bu eş qaralırğa tieşme yuqmı ikäne turında qarar qabul itü waqıtı birü öçen 7-nçe fevral'gä küçerelde dide. Yewropa Berlege bu mäxkamä eşe Berlekkä quşılırğa teläwçe Törkiädä fiker belderü irege torışın kürsätüçe sınaw dip borçılu belderde. Yewropa parlamentı äğzası Camiel Eurlings İstanbulda mäxkamä binası yanında jurnalistlarğa "Bu barlıq törkiä watandaşlarınıñ fiker belderü irege öçen genä tügel, bu Törkiäneñ Yewropadağı däräcäse öçen dä naçar. Tağın ber märtäbä äytäm. Bu naçar kön. Çönki xökümät bu eşneñ qaraluın, häm Yewropa Berlegendä, dönyanıñ başqa öleşendä Törkiäneñ däräcäse töşüne tuqtatu mömkinlegen quldan ıçqındırdı" dide. Pamuk Berençe dönya suğışı çorında 1 million Ärmän, soñğı berniçä distä yılda 30 meñ Körd üterelde dip äytkän öçen 3 yılğa törmägä yabılırğa mömkin. Pamuk törkiädä bolar turında äytergä yaramıy di.

XS
SM
MD
LG