Qıtaynıñ Tönyaq Könçığışında yılğağa aqqan ağulı ximik matdälär Amur yılğasına kilep citte. Yılğa suınıñ ağulanğan öleşe 180 çaqrımğa citä.
Ber atna da ütmästän bu sular 600 meñläp keşe yäşägän Xabarovski şähärenä kilep citär dip kötelä.
Wäzğiätne küzägep baru öçen Xabarovskiğa kilgän Rusiä ğädättän tış xällär ministrı Sergey Şoygu cirle xakimiätlär äzerlängän, min monı ğädättän tış wäzğiät dip atamas idem dide.
Noyäberneñ 13-endä Qıtaynıñ Cilin şähärendäge ximiä qorılmasında bulğan şartlaw näticäsendä 100 tonna ağulı matdä Amur quşıldığına aqtı.
Rusiä xakimiätlär äytüençä, pıçraq tabı Rusiäneñ Amur buyındağı 70-läp awıl häm şähäre yanınnan ütäçäk.
