Ukraina başqalasında, 2000nçe yılda jurnalist Heorhiy Gongadzenı üterüdä ğäyeplängän 3 milisiä ofiserı östennän mäxkämä eşendä berençe tıñlawlar ütte. Gongadze yuğarı dairälärdäge rişwätçelek turında yazğan jurnalist ide. Şul waqıttağı prezidentı Leonid Kuçmanıñ, administrasiä başlığı belän Gongadzeğa qarşı bulğan söyläşüläre cämäğätçelekkä mäğlüm bulğaç, Ukrainada prezidentqa qarşı uram cıyınnarı başlanğan ide. Kuçma jurnalistnıñ ülemenä qatnaşı bulğanın kire qaqtı. Ğinwar ayında il başına kilgän yaña prezident Viktor Yuçenko, Gongadze eşen çişüne – töp maqsat itep bilgelägän ide.
