Accessibility links

шимбә, 10 декабрь 2016, Казан вакыты 19:50

TDHPU studentlarına 4 ay totqarlanğan stipendiä 21 dikäberdän bireläçäk


Uzğan tapşırularıbıznıñ bersendä elekkege tatar humanitar institutı studentlarınıñ Tatar däwlät humanitar-pedagogika universitetına quşılğannan soñ kürgän nujaları turında söylägän idek. Sişämbe könne 20 dikäberdä şuşı uqu yortında uquçılar Azatlıqnıñ Qazan byurosına möräcäğät ittelär. Tatar filologiäse fakultetında uquçı, üz isemen efirda atarğa telämäsä dä xäzerge wäzğıätne bolay dip añlattı.

Bez 4 nçe ay inde aqça kürgänebez yuq. Qayber studentlar çarasızlıqtan üzläreneñ altın äyberlären lombardqa birep, şul räweşle aqça alırğa mäcbürlär. Qayberläre burıçlarğa batıp bette. Çarasızlıqtan bezneñ studentlar barlıq MMÇ möräcäğät itärgä mäcbür buldıq. İñ elek bez universitetnıñ citäkçelegenä möräcäğät ittek. İple cawap ala almağaç, mäğärif ministrlığına , anda da säbäplären añlata almağaç, bez prokuraturağa bardıq. Buxgalteriägä dä bardıq. Anda bezgä köndä wäğdä itälär, läkin bez ul stipendiäne äle kürgän yuq. Şuña inde bez böten MMÇ möräcäğät ittek. Bez monıñ säbäben şunda dip uylıybız: elekkege gumanitar ped studentları - Rossiä byudjetında, alar stipendiäne ala, ä bez gumanitar pedagogika institutınnan- respublika qaramağında , şuña kürä bezgä stipendiä küçerelep beterelmägän”, - dip uylıybız inde.

Ni öçen studentlarğa stipendiä birelmäde digän sorawğa İnstitutnıñ buğalteriäsennän bolay dip cawap qaytardılar

Studentlarğa digän 2 mln yarım sumlıq aqçanı bezneñ uqu yortına ministrlıq 19 dekaberdä küçergän inde. Stipendiä 21 dekaberdän başlap öç kön däwamında bireläçäk. Studentlar sentäberdän başlap dürt ay öçen dä tieşle aqçanı alaçaq.

Bulaçaq milli universitetta bulıp yatqan xällär turında kiläçäktä mäğlümat birep torırbız.

Gölnaz Şäyxetdin, Qazan

XS
SM
MD
LG