Accessibility links

якшәмбе, 4 декабрь 2016, Казан вакыты 23:18

Yuçenko cawap adım yasadı


Kiev -- Ukraina prezidentı Viktor Yuçenko Mäskäwneñ gaz bäyäsen arttıruına cawap itep, Rusiäneñ Qara diñgez portların qullanğanı öçen arenda bäyäsen arttırırğa çaqırdı. "Bez Rusiä belän iqtisadi mönäsäbätlär xalıqara, Yevropa taläplärenä turı kilergä tieş digän fikergä kilä başladıq. Dimäk, Rusiäneñ Ukraina portların qullanuına häm Sevastopoldä ğäskär totuına qarata bez qırıs bulırğa tieş," dide ul. Yaña yıldan başlap Mäskäw Ukrainağa gaznı bazar bäyäsenä, yağni 4 tapqır qimmäträk satırğa teli. Kiev bäyäne 5 yıl däwerendä, aqrınlap kütärergä soradı. Mäskäw monı kire qaqtı. Düşämbedä Mäskäwdä ike ilneñ premier-ministrları arasında ütkän söyläşülär näticäsez tämamlandı. Xäzerge waqıtta Rusiä Sevastopol xärbi nığıtmasın qullanğan öçen yılına 98 million dollar tüläp tora.

XS
SM
MD
LG