Accessibility links

якшәмбе, 4 декабрь 2016, Казан вакыты 13:24

Uzbäkstan Eçke Eşlär Ministrı Almatov Germaniädä xökemgä tartıla alamı?


Üzbäkistannıñ Eçke Eşlär ministere Zokir Almatov Ändicanda May ayındağı tärtipsezleklärne köç qullanıp bastırğanda keşe xoquqların bozuda ğäyeplängännän soñ Germaniädä dävalanuın üzep annan kikän. Läkin, Human Rights Watch oyışması Üzbäkistanda keşe xoquqların bozuda ğäyeplängän Almatov häm tağı da 11 keşe äle dä xökemgä tartıla alalar dip belderde.

Germaniädä keşe xoquqları mäsäläse buyınça spetsiallaşqan advokat Wolfgang Kaleck radiobızğa birgän ängämäsendä Almatovnı berniçä kön elek Dubayda kürgännär dip belderde. Kaleck Almatov mäsäläläsendä Human Rights Watch oyışması belän bergä eşli. Oyışma häm Ändican vaqiğäläre vaqıtında cäberlävneñ qorbanı bulğan 8 üzbäk Almatov häm tağı da 11 üzbäk räsmisen Germanidä mäxkämägä birgän. Mäxkämägä tapışırtılğan möräcäğättä şuşı 12 keşe keşelärne cäberlävdä häm keşeçelekkä qarşı cinayät eşlävdä ğäyeplänälär. 2002-nçe yılda Germaniädä qabul itelgän qanunğa esasän, Germaniä çit il räsmilären , çinayät qayda ğına eşlänmäsen xökemgä tarta häm ğäyeplelärneñ üzenä tapşırıluın taläp itä ala. Advokat Kaleckneñ süzlärençä,

"Germaniä tikşerü eşlären başlarğa, dälillär tuplarğa , bigeräktä Ändican masakasınnan isän qalğan tanıqlar belän söyläşergä, Üzbäkistanda eskäncä sistemasın tikşergän räsmilärneñ mäğlümätlären ciarğa tieş. Şunnan soñ almannar alarnı Germaniädäme, ällä başqa ildäme xökemgä tartu turında qarar qabul itärgä tieşlär. Bolar eşlängän xäldä, Germaniä Almatovnı qulğa alu öçen xalıqara ezlävgä quyarğa tieş."

Almatovqa Germaniägä kerü vizası Noyäber ayıda Yevropa Berlegeneñ sanskiäläre köçkä kermästän berniçä kön elek birelde. Germaniä tışqı eşlär ministerlege süzçese Michael İber Yevropa Berlegeneñ sanskiäläre humanitar säbäplärdän çığarma yasarğa röxsät itä dip belderde. Almatovqa yaman şeşek auıruınnan opperatsiä yasalğan. Ä inde Üzbäkistannıñ Berlindäge ilçelege süzçese Mahmud Bobonazarov Almatovnıñ Germaniägä kilgän yäisä kitkän buluı turında mäğlümäteneñ bulmauın äytte. Germaniäneñ Federal prokuraturası radiobızğa Almatov mäsäläse tikşerelä dip äyte. Human Rights Watchnıñ Yevropa Berlege öçen direktorı Lotte Leicht , oyışmasınıñ Üzbäkistan Eçke Eşlär ministerlegeneñ cäberlävgä turıdan-turı qatnaşqan buluın kürsätkän dälillär tuplağan buluın belderde.

"Bez Üzbäkistanda yıllardan birle eskänçä, cäberläv turında alıp barğan tikşerülärebez, bu xaqta Üzbäkistan räsmiläre belän ütkärgän söyläşülär , oçraşularnıñ ber nindi dä uñay näticägä kitermäven kürsätkän bik küp dälillär tupladıq. Läkin, bu bezneñ dällär genä tügel. Bezdä başqa xalıqara küzätüçelärneñ , şul sanda BMOnıñ eskänçä buyınşa mäxsus väkileneñ mäğlümätläre dä bar."

BMOnıñ cäberläv buyınça mäxsus väkile Manfred Novak 16-nçe Dikäberdä Jenevada iğlan itelgän belderüendä German xökümäten Almatovqa qarşı cinayät eşen quzğatırğa çaqırğan.

Förit İdelle. Praga
XS
SM
MD
LG