Bağdad -- İke atna tänäfestän soñ bügen Bağdadta Saddam Xösäyen östennän mäxkämä yañartıldı. Ğäyepläwçe yaqnıñ şahitları 1982 yılda Saddamğa qarşı bulğan uñışsız höcümnän soñ, Dujail awılında irlärneñ cazalanuı, üterelüe turında söyläde. Elekke utırışlarda şahitlär diwar artına qaçıp, üzgärtelgän tawış belän söyläsälär, bügen açıq räweştä, Saddam utırğan çitlek yanına basıp tanıqlıq ittelär. Saddam törmädä utırğanda üzeneñ qıynaluı turında belderde. Saddam häm anıñ 7 tarafdarı, Dujail awılında 148 şiğine üterergä färman birüdä ğäyeplänä. Üktäberneñ 19nda başlanğan mäxkämä inde 3 tapqır kiçekterelde.
Ul arada bügen Ğiraqnıñ saylaw komissiäse uzğan atna ütkän parlament saylawlarında saylawçılarnıñ 70 protsentı qatnaşqanı turında iğlan itte. Kiçä sönni firqälärdän tözelgän koalitsiä berençel näticälärne tanımawın beldergän ide.
Ul arada bügen Ğiraqnıñ saylaw komissiäse uzğan atna ütkän parlament saylawlarında saylawçılarnıñ 70 protsentı qatnaşqanı turında iğlan itte. Kiçä sönni firqälärdän tözelgän koalitsiä berençel näticälärne tanımawın beldergän ide.
