Accessibility links

шимбә, 3 декабрь 2016, Казан вакыты 14:44

Brussel imigrantlarğa kvota kertergä teli


Brussel -- Yevropa Komissiäse, şuşı un-yıllıq axırına Yevropa Berlege bilgele ber sanda qanuni imigrantlarğa işek açırğa tieş dip sanıy. Yevrokomissiäneñ eş belän tä'min itü komissarı Vladimir Şpidla bügen Brusseldä "İqtisadi imigratsiä bügen çınbarlıq, kiläçäktä dä şulay bulaçaq. Berük waqıtta bu ixtiac da. Şuña kürä Yevropa Berlege imigratisä kiräkme-yuqmı dip uylap utıra almıy. Ä menä oyışqan imigratsiä belän tärtipsez imigratsiä arasında saylıy ala," dide. Yevropa Berlege illäre çittän kilgän eşçelärne qabul itsälär dä, imigratsiä mäsäläsendä urtaq säyäsät buldıruğa qarşı çığıp kilde. Yevrokomissiäneñ Yustitsiä komissarı Franco Frattini süzlärençä, yaña plannıñ maqsatı – imigratsiä ölkäsendä koordiantisä buldıru, küpme möhacir qabul itergä ikänen äğza-illär üzläre xäl itäçäk. Yevropa Berlege illärenä yıl sayın yartı million çaması qanunsız imigrant kilä dip sanala.

XS
SM
MD
LG