Accessibility links

Кайнар хәбәр

Açıq mikrofon: keşeneñ eşkä yaraqlı yäşen arttıruğa xalıq fikere


22 könne Rusiä pension fondı oyışuğa unbiş yıl tuldı. Yubiley könnärendä fond citäkçese Gennadiy Batanov xalıqnıñ eşkä yaraqlı yäşen arttıru bulaçaq dip söyläde. “Veçernyaya Qazan” gäzite mäğlümatlarına qarağanda, pensiägä çığu yäşe 8 yılğa artaçaq. Bu xäbärgä qarata xalıq närsä uylıy? Açıq mikrofon şul xaqta.

Küp kenä keşe ğömer buyı eşli häm belüebezçä bügenge köndä keşeneñ ğömere könnän kön qısqara. Minemçä, şulay uq qalsa bik yaxşı bulır ide.

Min pensiä yäşen arttıruğa qarşı, çönki bolay da urtaça ğömer ozınlığı, äytik ar – atlarnıñ 58 yäş, küplär bälki bu yäşkä citmäs tä.

Qartaya başlağaç, eşläp yörüe bik awır.

Xäzerge yäş buınnı irtäräk tä çığarırğa kiräk. Çönki xäzer hawa naçar, böten aşaw ximiädän tora. Şunı aşap xalıq niçek sälämät bulsın.

Keşe pensiägä çıqqaç, yal itärgä tieş. Ä pensiä yäşen ozaytqaç, keşe ber dä räxät kürmiçä ülep kitärgä mömkin.

Minem bu turıda işetkänem yuq, berençe işetäm.

Min qarşı tügel. Çönki bik küp keşe pensiägä çıqqaç ta, eşli häm alar üzlärendä köç sizä.

Gölnaz Şäyxetdin

XS
SM
MD
LG