Accessibility links

шимбә, 3 декабрь 2016, Казан вакыты 01:28

Ağulanğan su Xabarovskiğa kilep citte


Uzğan ayda Qıtayda ximiä berläşmäsendä bulğan şartlawdan soñ ağulanğan yılğa suları Rusiäneñ Yıraq Könçığışına kilep citte. Räsmilär, suda benzol küläme keşe sälämätlegenä ziyan kitererlek däräcädä tügel, dip belderä. Benzol tabı Xabarovskidan 4 kön eçendä kiter, dip farazlana. Xabarovski krayı xökümäte başlığı urınbasarı Vladimir Popov, su täminatın tuqtatır öçen säbäp yuq, dip belderde:

"Xabarovski yanında sularnı sul yardan, uñ yardan häm yılğa urtasınnan bergä bolğatabız, pıçranunıñ urta ber däräcäse – ağulanu çigeneñ yartısına da citmiäçäk, bezneñ çistartu sistemaları moña äzer. Su normada qalaçaq."

580 meñ xalqı bulğan Xabarovskida östämä su çığanaqları da äzerlängän. Soñğı tärräqiät turında bügen bezneñ Yıraq Könçığıştağı xäbärçebezdän dä işetersez. Ul arada Qıtaynıñ könyağında Guangdong vilayätendä, tözätü eşläre waqıtında Beijang yılğasına tağın ağu aqqan. Ağudağı kadmiy maddäse bawır häm böyergä ziyan kiterä ala. Ämmä bu ağu, 6 million yarım keşe yäşägän Guangjou şähärenä kilep citkänçe, sudan yuqqa çığır dip farazlana.

XS
SM
MD
LG