Accessibility links

якшәмбе, 4 декабрь 2016, Казан вакыты 23:37

Putin büläkläre tatarstanlılarğa da eläkte


21 dekaberdä, Mäskäw kremlendä Rusiä prezidentı Vladimir Putin säyäsätçelär, artistlar, ğalimnär, sportçılar häm xärbilärgä xökümät büläklären tapşırdı. Alar arasında Tatarstan däwlät şurası räise Färit Möxämmätşin häm Tübän Qama şähäreneñ küp tarmaqlı 3nçe sanlı xastaxänäseneñ baş tabibı Ğamir İsmagilov ta bar ide. Alarnıñ ikesenä dä “Maqtaw ordenı” tapşırıldı. Maqtawlı büläk aluçılar arasında şulay uq tatar qızı dip ğorurlanıp yörtelgän gimnastqa Alina Kabaeva da bar ide. Maqtawlı büläklärne şulay uq rusiä sänğätendä bik bilgele bulğan artistlarğa Lyudmila Gurçenko, Sergey Yurski, Yevgeniä Simonova, Leonid Yakuboviç, Vasiliy Livanov häm başqalarğa da tapşırdılar.

Tatarstannıñ däwlät şurası räise Färit Möxämmätşin, “Maqtaw ordenın” Rusiä prezidentı qulınnan alğannan soñ tribunağa kilep:

“Bu waqiğanı bolay uq dulqınlandırğıç dip uylamağan idem, dulqınlanam dide. Häm bu oçraşunı bıyıl Qazannıñ 1000 yıllığın ütkärüdä zur yärdäm kürsätkäne öçen Vladimir Putinğa räxmät belderer öçen uñaylı forsat dip uylıym..Min bu büläkne Rusiä federatsiäsendäge subyektlarnıñ qanun çığaruçı dairälärenä yuğarı bäya birelde dip qabul itäm”. Häm Vladimir Putinğa, “Sezgä ozın säyäsi ğömer telim, Rusiägä xezmät itik” dip tämamladı üzeneñ qısqa çığışın Färit Möxämmätşin. Ä inde soñınnan, büläk alu uñayınnan bezneñ radio tıñlawçılarıbız öçen birgän äñgämäsendä qısqaça bolay dide: Bıyılğı ike zur waqiğa, Ciñüneñ 60 häm Qazannıñ meñ yıllıq waqiğalarınıñ matur itep uzuına tuqtaldı. Şulay uq ul, bu xökümät büläge minem ğömeremdä şundıy yuğarılıqtağı ikençe büläk. Küptän tügel genä min yaxşı däwlät cıyılışınıñ iñ yaxşı räise digän isemgä layıq bulğan idem. Bu xökümät bülägen respublikağa, bezneñ däwlät cıyılışına qarata ber xörmät dip qabul itäm dide häm radio tıñlawıçlılarnı yaqınlaşıp kilüçe yaña yıl belän qotladı.

Şundıy uq maqtaw ordenına layıq bulğan Ğamir İsmagilov ta üzeneñ şatlıqları belän urtaqlaşıp sälämätlek saqlawda bulğan qayber mäs’älälärne dä iskä töşerde

Näzifä Kärimova, Mäskäw

XS
SM
MD
LG