Accessibility links

якшәмбе, 11 декабрь 2016, Казан вакыты 11:10

Ufada Tatar morzaları cıyını ütäçäk


Bu yäkşämbedä Ufadağı “İxlas” mäçetendä Başqortstan Tatar morzaları mäcleseneñ çirattağı zur cıyını ütäçäk. Anda milli oyışmanıñ ber yıllıq eşenä xisap yasalaçaq häm kiläçäkkä burıçlar bilgelänäçäk. Başqortstan Tatar morzaları mäclese räise Maqsat Mämliev äytüençä, bıyıl bu oyışma üz aldına quyğan küp kenä burıçlarnı uñışlı ütägän. Törle mädäni çaralar oyıştıru, tuğan yaq häm kürenekle morzalar turında kitaplar, broşyuralar näşer itelgän. Başqortstan tatar cämäğätçelek oyışmaları berlege eçenä kerüçe Tatar morzaları mäclese berlektäge çaralarda da aktiv qatnaşqan. Şulay da eşlise eşlärebez bik küp äle di Maqsat äfände. Xalıqnıñ milli üzañın kütärü, telne saqlaw kebek mäs''älälär berençe çiratta torırğa tieş.

Maqsat Mämliev äytüençä, Başqortstan tatar milli oyışmaları aldında bügen iñ berençe çiratta milli üzañnı häm ana telen saqlaw torırğa tieş. Balalar urıslaşıp bara. Dinebez dä bik zägıf. Açılğan mäçetlärgä dä xalıq az yöri, ä yäşlärebez törle sektalarğa tartıla, pravoslaviegä kitä. Menä şular bik borçıy. Tärbiäne balalar baqçasınnan häm mäktäplärdän ük başlarğa kiräk.

Bu yäkşämbedä Ufadağı “İxlas” mäçetendä şuşı oyışmanıñ zur cıyını ütä. Anda Qazannan da Bötendönya Tatar kongressı citäkçeläreneñ berse Färit Urazaev citäkçelegendäge wäkillek kilä. Zur cıyınğa xörmätle qunaq itep yaña ğına 85 yäşlek yubileen bilgelägän mäşhür cırçı Färidä Kudaşeva da çaqırılğan.

XS
SM
MD
LG