Accessibility links

Кайнар хәбәр

Bağdad-Kirkuk olı yulında höcüm: 10 keşe ülde


Ğiraq başqalasın tönyaqtağı Kirkuk şähäre belän totaştırğan olı yuldağı xärbi tikşerü noqtasına bügen höcüm buldı. Kimendä 10 xärbi häläk bulğan, 20dän artığı yaralanğan. Bu höcüm AQŞ saqlanu ministrınıñ Ğiraqta amerikan köçläreneñ ike brigadasın qısqartu turında belderü yasaw waqıtına turı kilde. Bu xaqta Donald Rumsfeld Falluca şähärendä AQŞ xärbiläre belän oçraşu waqıtında äytte:

"Prezident Bush, AQŞ xärbi köçlären 17 brigadadan 15kä qaldıru qararın rasladı. Amerikan xärbi köçläreneñ sanı älbättä üzgärep toraçaq, citäkçelek töp basımnı Ğiraq iminlek köçläreneñ xärbi äzerlegenä yasıy."

Ğäskärlär sanınıñ küpmegä qısqartılaçağı tögäl äytelmäde, ämma qayber xäbärlärgä qarağanda, 7 meñnän alıp 9 meñgä qädärge san turında süz bara. Ul arada BMiOnıñ New Yorktağı matbuğat wäkile Robert Sullivan, oyışma, uzğan atnada Ğiraqta uzğan saylawlarnıñ näticäsenä bäysez tikşerü ütkärmiäçäk, dip belderde. Oppozisiädäge sönnilär Berläşkän Millätlärne saylawlarnı tikşerergä soarağan ide.
XS
SM
MD
LG