Polşanıñ yaña prezidentı Lech Kaczynski bügen räsmi töstä wazifasına kereşte. Bu urında elekke kommunist prezident Alexander Kwasniewskinı almaştırğan 56 yäşlek Kaczynski, üzeneñ inaugurasiä çığışında, yaratqan teması – ilne korrupsädän çistartu turında söyläde. Yaña prezident – qadimi köçlär tarafdarı, anti-kommunist, elek Warşaw şähär başlığı bulğan keşe. Yaña wazifağa Kaczynski üktäber ayında uzğan saylawlarda ciñep kilde. Annan alda ul citäklägän Qanun häm Ğadellek firqase – parlament saylawlarında ciñgän ide. Polşanıñ yaña citäkçese korrupsiägä qarşı köräşergä, sosial qimmätlärne üsterergä, Yevropa Berlege äğzası bulğan Polşanıñ AQŞ belän xezmättäşlegen üsterergä wäğdä itte.