Accessibility links

дүшәмбе, 5 декабрь 2016, Казан вакыты 17:37

Liviädä çit il meditsina xezmätkärläre yañadan xökem itelä


Liviä yuğarı mäxkamäse 5 bolğar şäfqät tutaşına häm ber fälestinle tabipqa bilgelängän ülem cäzasın ğämäldän çığarıp yaña mäxkamä ütkärergä quştı. 6 Meditsina xezmätkäre Benğazi xastaxanäsendä 426 balağa maxsus räweştä HİV (VİÇ) virusın yoqtıruda ğäyeplänep 1999-nçı yılda qulğa alınğan ide. Bolğarstan tışqı eşlär minsitrı Dimitar Tsançev bügenge qararğa xuplaw belderde. 'Bolğarstan tışqı eşlär ministrlığı Liviä yuğarı mäxkamäseneñ Liviädäge Bolğarstan şäfqät tutaşları turındağı bügenge qararın bik uñay dip bäyäli. Bez yaña mäxkamä uñay häm tiz çişeleş öçen yaña mömkinlek birä dip isäplibez' dide Tsnaçev. Bolğarstan prezidentı Georgi Parvanov ta şundıyraq belderü yasadı. AQŞ bu qararnı uñay tärräqiät dip atadı. Yewropa Berlege bu tiz häm ğädel çişeleşkä kiterer dip ömetlänüen belderde. Ämma şäfqät tutaşlarınıñ advokatı Hari Haralampiev alda äle bik ozaq xoquqıy eşçänlek kötä dide. Liviä yustitsiä ministrı Ğali Xäsnäwi Frans press agentlığına kiläse mäxkamä ber ay eçendä ütäçäk häm anda yaña xäkimnär bulaçaq dide.

XS
SM
MD
LG