Accessibility links

пәнҗешәмбе, 8 декабрь 2016, Казан вакыты 06:59

Piterburnıñ Maksidrom kibetlärendä gaz höcüme buldı


Rusiä räsmiläre bügen Piterburdağı Maksidrom yort kiräk yaraqları kibetelärendä bulğan gaz höcüme terrorçılıq belän bäyle tügel dip belderde. Xakimiätlär 78 keşeneñ awıruına kitergän bu höcümnärne oyıştıruçılar ğadi cinayätçelär bulırğa oxşağan di. Gazdan zıyan kürüçelärneñ berniçäse xastaxanägä salınğan, ämma beräwneñ dä tormışına qurqınıç yanamıy. Piterburnıñ tağın 2 Maksidrom kibetendä waqıt cihazı belän köylängän gazlı sawıtlar tabılğan. Alar beräwgä dä zıyan kitermi genä zararsızlandırılğan. Bu kibetlärgä bäyräm satuların özü turında yanawlar belän berniçä märtäbä kisätü xatları kilgän bulğan. Räsmilär bu xatlarda Maksidrom kibetläre ğädelsez köndäşlek alıp baruda ğäyeplänä di. Federal' İminlek Xezmäte süzçese äytüençä, ul gaz methyl merkaptan gazı bulırğa oxşağan. Bu gaz küzlärne, sulış yullarınıñ yuğarı öleşen nıq yarsıta.

XS
SM
MD
LG