Accessibility links

якшәмбе, 4 декабрь 2016, Казан вакыты 11:25

Üzbäkstan BMOnıñ Ändican waqıyğalarında qatnaşuçılarnı xökem itügä borçıluın kire qağa


Üzbäkstan BMOnıñ may ayında Ändican waqıyğalarında qatnaşuçılar ğädel xökem itelmäde dip borçıluları nigezsez dip belderde. Mäxkamälär Ändican waqiğalarında qatnaşqan öçen inde 150-dän artıq keşene xökem itte. Xoquq yaqlawçılar anda xärbilär ut açıp yözlärçä tınıç demonstratsiäçene üterde di. BMOnıñ baş xoquq yaqlawçı räsmie Louise Arbour Ändican mäxkamäläre ğädelsez xökem qararları çığarırğa, çın cinayätçelär cäzasın qalırğa mömkin dip borçılu beldergän ide. Üzbäkstan baş prokuraturası süzçese Svetlana Ortikova mäxkamälär xalıqara standartlarğa turı kilä dide. "Ändicanda terrär ğämälläre qılınğanlığına şik yuq. Bez dönya cämäğätçelegenä şunı äytergä telibez, Ändicandağı terror ğämällären häm başqa bik zur cinayätlärne tikşerü barışında barlıq xoquqıy protseduralar ütälde. Keşe ülemnärenä kitergän bu cinayätlärne tikşerü cinayät eşe protsedularınıñ iñ qatğıy taläplärenä turı kiterep alıp barıldı" dide Ortikova.

XS
SM
MD
LG