Accessibility links

пәнҗешәмбе, 8 декабрь 2016, Казан вакыты 21:25

İndoneziäneñ Aceh töbägendä ğisyançılar qorallı köräşne tuqtattı


Aziädä in ozaq däwam itkän sivil suğış tämamlanıp kilä şikelle.İndoneziäneñ Aceh töbägendäge ğıysyançılar 30yıl çaması däwam itkän qorallı köräşne tuqtatuların bügen räsmi räweştä iğlan ittelär.Bügenge belderü august ayında İndoneziä xökümäte belän ğıysyançılar arasında Helsinkidä ireşelgän kileşügä nigezlänä

Yıllardan birle İndoneziädäge ğıysyançılar belän tınıçlıq söyläşülär,başlana, bara, özelä ide Ämma ütkän yılda Hind Okeanındağı tsunami Aceh töbägendä 160meñ çaması keşene ütergännän soñ söyläşülärdä dä borılış buldı.Yaña kileşügä kürä xökümät Aceh täbägendäge xärbilären çığarırğa häm qoralların taşlağan ğıysyançılarğa almaşqa Acegä mäxsus avtonomiä birergä buldı. İndoneziä prezidentı Susilo Bambang Yudhoyono ğıysyançılarnıñ qoralsızlanu turındağı belderüe , qotoçqıç tragediäneñ dä yaxşı yağı buluın kürsätte dide. Bügen ul başqala Banda Acehda bolay dide:

Min Acehdä tınıçlıq protsesı ozaq,ezlekle bulır dip ömed itäm. Rekonstruksiäneñ uñışlı buluı öçen totrıqlılıq zarur.

Suğışçan törkem wäkilläre belän oçraşqannan soñ prezident Yudhoyono Acehdağı 24meñ xökümät ğäskären yıl azağına qädär annan çığaraçağın belderde. İrekle Aceh xäräkäte GAMnıñ ölkän komandirı Sofyan Daud , bezgä qorallar kiräkmi, bez säyäsi çorğa keräbez digän. GAMnıñ başqa ber citäkçese İrwandi Yusuf Acehdağı mätbuğat oçraşuında köç qullanunı xökem itep ,

GAM suğışçıları isemennän min Aceh Qorallı törkeme yäki GAM suğışçılarınıñ qoralsızlanğan häm taratılğan buluın iğlan itü belän ğorurlanam.Bez 2005nçe yılnıñ 15. augustında Helsinkidä İndoneziä xökümäte belän İrekle Aceh Xäräkäte arasında imza itelgän memorandumğa esasän barlıq qorallarıbıznı tapşırdıq dip äytte.

Tınıçlıq kileşüenä kürä , qoralsızlanudan soñ , eleke suğışçılarnı sivil cämğiätkä qatnaştıru ikençe adım bulıp tora.Alar kiläse yılda ütäçäk saylawlarğa qatnaşaçaq dip kötelä. Sumatra utrawınıñ tönyağında uranşqan Aceh töbegendä yäşäwçe 4million xalıqnıñ 98% möselman.İrekle Aceh Xäräkäte yäki GAM 1976yıldan birle töbäkneñ bäysezlege öçen köräşep kilä.GAM şäxzadä Xäsän di Tiro Aceh däwläteneñ legal citäkçese ä Malik Mäxmud premyre digän pozitsiädä tora. GAM citäkçelege 30yıl elek İndoneziädän bäysezlegen iğlan itkäç Şwedsiädä sıyınu xoququ sorarğa mäcbür bulğan ide.3 distä yıl däwam itkän konfliktta küpçelege sivil 15meñnnän artıq keşe häläk buldı. färidä xämit
XS
SM
MD
LG