Accessibility links

чәршәмбе, 7 декабрь 2016, Казан вакыты 11:40

Qazan idaräse başqarma komitetı raslandı


Munitsipal xakimiätne tözü eşläre däwam itä. Bu könnärdä Qazan şähär Dumasınıñ çirattağı utırışı bulıp ütte. Älege utırışta deputatlar munitsipalitetnıñ Başqarma Komitetın rasladı. Utırışnı Qazannıñ munitsipal'' berämlege başlığı wazıyfasın başqaruçı Räfis Borhanov alıp bardı. Xäzer Qazannıñ Başqarma komitetı 16 keşedän toraçaq. Bu sanğa komitetnıñ başlığı, anıñ urınbasarları, başqarma apparatnıñ citäkçese, şähärneñ 7 administrativ rayonnıñ başlıqları kerä. Monnan tış iktisadi üseş, transport häm elemtä, cir häm milek tarmaqları öçen cawaplı bulğan 21 bülek tä bula. Şulay uq Qazan sostavına kerüçe bilämälärdä dä idärä oyışmaların buldırırbız dide Räfis Borhanov. Anıñ äytüençä, 200 meñgä yaqın keşe yäşägän älege bilämälärdä, ä alarnıñ qayberläre xätta rayon üzäklärennän dä zurraq, kibetlär, aşığıç yärdäm punktları da yuq.

Utırışta şulay uq munitsipal'' xezmätkärlärneñ xezmät xaqına östämä tüläw mäs’äläse dä qaraldı. Ämma şähär başlığı İlsur Metşin äytüençä, Qazan byudjetı bügen bik qatlawlı xäldä. Anıñ äytüençä, deputatlar aqça sorarğa tügel, ä kiresençä üzläre xezmät xaqlarınıñ ber öleşen byudjetqa birergä tieş. Qazan byudjetınıñ burıçı bügenge köndä 12млрд. sumnı täşkil itä. Uzğan tapşıruda qazanlılarğa şähärgä sez niçek yärdäm itä alır idegez digän soraw belän möräcäğät ittek. Bu mäs''älä şaqtıy zur qızıqsınu uyattı. Keşelär meñellıqtan soñ rişwätçelek belän bäyle ğauğalar, qayber aqçalar döres sarıf itelmäwe turında belsälär dä milliardlı burıçları bulğan Qazanğa yärdäm itärgä äzer ikän. Mäsälän, respublikanıñ möselman tabipları Assotsiatsiäse räise Qamıl Zaripov bu xaqta bolay dide:

Sovet zamanında, mäsälän, mondıy problemalarnı xäl itü öçen böten xalıq qatnaşlığında şimbä-yakşämbe ömäläre uzdırıla ide. Bu bügen dä mömkin bulır ide dip uylıym. Niçek bulsa da bez äzer inde. Şäxsän İlsur Metşinğa äytäsem kilä, şul qädär zur eşkä alınğan ikän, aña uñışlı ğına tämam saylanıp betärgä, ber can, ber tän bulıp eşlärlek komanda tuplarğa, prezident, xökümät, respublikanıñ Diniä Näzaräte häm Yeparxiäneñ dä teläktäşlegen toyıp yäşärgä nasıyp bulsın ide. Berdäm bulsaq barlıq burıçlarnı da ciñäbez.

Albina Zäynulla

XS
SM
MD
LG