Accessibility links

шимбә, 3 декабрь 2016, Казан вакыты 12:45

Cäwdät Därzamanğa 60 yäş tuldı


Ozaq yıllar buyı milli matbuğatta, mäğlümat çaralarında eşlägän, şul waqıt eçendä 20 ädäbi kitap näşer itkän Tatarstannıñ atqazanğan sänğät eşleklese Cäwdät Därzaman xäzerge waqıtta Tatarstan radiosında ädäbi näfis tapşırular bülegen citäkli. Şuşı yubiley uñayınnan bez aña Tatarstan radiosınıñ bügengese häm kiläçägen niçek farazlıy ikän dip soraw birdek. Tıñlıyq äle üzen.

“Tatarstan” radiosı monnan 80 yıl elek oyışıp, bügenge köndä berni qädär awırlıqlarğa, tetränülärgä duçar itelep, qalğan, läkin ul yäşäp kilä torğan radio. Häm tatar xalqınıñ yaratıp , ömetlänep , küz töbäp kötep, alğa taba da ömetlär bağlap yäşägän radio. Xalıqnıñ üz telendä, xalıqnıñ tarixi nigezençä eşli torğan radio. Ämma bez Mäskäw sostavında eşli başlağaç, şimbä yäkşämbe könnärendäge tapşırularnı yuğalttıq. Ämma kollektiv ber yodrıq kebek tuplanıp eşli.Min şuşı qädär ğömeremne “Tatarstan” radiosına birgänemä küpmeder öleşemne xalqıma birgänemä bik şat häm min monıñ belän ğorurlanam”.

Bu yılğa qädär Tatarstan radiosınnan “Azatlıq” radiosınıñ tapşıruları da birelä ide. Xäzer bu tapşırular tuqtatıldı. Sez “Azatlıq”radiosın tıñlawçıların yuğaltmadığızmı digän sorawğa ul bolay dide.

Älbättä radio tıñlawçılarıbız “Azatlıq”nı yuğalttılar. Alar sorıy, “Azatlıq” radiosı qaya yuğaldı, dip qızıqsına. Läkin bu soraw xäl itelä Däwlät yuğarılığında , xökümät yuğarılığında häm teleradio kompaniä yuğarılığında. Rossiä külämendä VGTRK sistemasında başqa tele radio kompaniyälärne tärtipkä kiterü maqsatınnan. Bez ozın dulqınnarda çıbıqlı radioda eşli idek. Xäzer bu çıbıqlarnı beterep kilälär. Ämma Rossiä radiosı da , dimäk alar belän bezneñ “Tatarstan” radiosı da bügenge köndä qısqa dulqınnarda eşlärgä küçüe bik ixtimal. Ä monsı inde kiläçäktä.”dide ul.

K.Tinçurin isemendäge drama häm komediä teatrı binasında uzğan bu kiçädä yubilyarğa Tatarstan Prezidentı Mintimer Şäymievneñ “Räxmät xatı” tapşırıldı . Häm Mädäniät ministrlığı, Россия күләмендә “Tatmedia” agentlığı Tatarstan yazuçılar berlege häm Tatarstan Däwlät teleradiokompaniäse tarafınnan häm bik küp sänğät ähelläre, cırçılar, balalar da yubilyarnı täbrikläp aña tağın da icadi uñışlar telädelär.

Mälikä Basıyr, Qazan

XS
SM
MD
LG