Accessibility links

якшәмбе, 4 декабрь 2016, Казан вакыты 21:34

Mäskäw Kievnı Aqyar xärbi diñgez portında arenda bäyälären kütärmäskä dip kisätä


Rusiä salqanu ministrı Sergey İvanov Ukrainadağı Rusiä xärbi diñgez bazası öçen arenda tüläwe arttırılmasqa tieş dip kisätte. Ukraina Qırımdağı Aqyar bazasın faydalanğan öçen Rusiädän tüläwne arttıru mömkinlege turında beldergän ide. İvanov "Sovetlar Berlegeneñ Qara diñgez flotın bülü kileşüe Rusiä belän Ukraina arasındağı zur kileşüneñ ber öleşe. Zur kileşüneñ ikençe öleşendä üzara çiklärne tanu turında äytelä. Şuña kürä minemçä bu kileşüne yañadan küzdän kiçerü omtılışı ülemgä tiñ" dide. Bu Rusiäneñ däwlät qaramağındağı Gazprom şirkäteneñ Ukraina öçen tabiği gaz bäyäsen kiläse yıldan 5 märtäbä diärlek arttıru niätennän başlanğan bäxäsneñ çirattağı öleşe. Bügen Ukraina premyer ministrı Yuriy Yexanurov Ukrainanıñ üze aşa könbatışqa qudırıluçı Rusiä tabiği gazınıñ 15 protsentın alırğa şiksez qanunı xoquqı bar dide.

XS
SM
MD
LG