Liviä räsmie Bolğarstan şäfqät tutaşları ğäyebe belän HİV(VİÇ) infeksiäse yoqtırğan dip isäplänüçe balalar öçen kompensatsiä turında Bolğarstan belän Liviä arasındağı söyläşülär ğinwar urtalarında başalanaçaq dip belderde.
Ğaddafi fondınıñ yuğarı räsmie Sälax Ğäbdessälam söyläşülär 15-nçe Ğinwarda başlanaçaq dide.
Elegräk bu söyläşülär irtägägä bilgelängän ide. Ämma yäkşämbe könne Liviä yuğarı mäxkamäse balalarğa maqsatçan räweştä HİV yoqtırğan dip ğäyeplängän 5 bolğar şäfqät tutaşına häm 1 fälestin tabibına bilgelängän ülem cäzasın kire qaqqannan soñ söyläşülär kiçekterelde. Tabib häm şäfqät tutaşları 1999-nçı yılda qulğa alındı. Alar üzlärenä belderelgän ğäyepläwlärne kire qağa häm bez azaplawlar astında ğäyepne tanırğa mäcbür buldıq di. Balalarnıñ awıru yoqtıruına higiena şartlarınıñ naçar buluı ğäyeple di alar.
