Sişämbe könne Mäskäwdä ütkän Däwlät Sovetı utırışında qatnaşıp, M.Şäymiev toraq tözeleşe, ipoteka şul turıda söyläde. Xäzer tuzğan toraq programması böten Rusiägä kiräk ikän. Şunısı qızıq, näq şul uq könne Qazanğa beryulı ike ministr kilde – baş militsioner Räşit Nurğaliev häm iqtisat ministrı German Greff. Alar cinayätkä qarşı köräş buyınça berdäm mäğlümat sistemasın eşlätü belän şöğellänä. Bik zamança häm kiräkle bu eş turında tağın da mäğlümat tuplarbız äle. Ä menä näq şuşı räsmilär vizitı aldınnan ğına Qazanda bik yaman cinayät eşlängän. Şimbä tönendä Çistopol' uramında 28 yäşlek Mäskäw rayonı keşese räximsez räweştä üterelgän. Ämma eçke eşlär ministrlığınıñ saytında bu xäbär turında läm- mim mäğlümat yuq.
Rimzil Wäli
