Serbiä räsmi wäkilläre süzlärenä qarağanda, general Ratko Mladiç küptän tügel genä Rusiägä barıp qaytqan bula ala, ä xäzer isä anıñ qayadır Serbiädä qaçıp yatuı bik ixtimal. Uzğan comğada Serbiäneñ suğış cinayätläre prokurorı Vladimir Vukçeviç radiobıznıñ könyaq slav redaksiäsenä, serb xakimiate ildä Mladiçkä qaçıp yatırğa bulışqan berniçä keşene açıqladı, dip beldergän ide:
"Suğış cinayätlären tikşerüçe prokuror bularaq mindä qaçqınnarğa yardäm itüçe keşelär turında mäğlümat bar. Monı Serbiäneñ iminlek idaräse dä, ilneñ eçke eçlär ministrlığı da belä", di prokuror Vukçeviç.
Sişämbe könne Serbiäneñ eşke eşlär ministrlığı alay da, politsiädä andıy keşelär turında xäbär barlığın kire qaqtı. Parlamentnıñ iminlek komitetı qarşında yasağan çığışında eçke eçlär ministrı Dragan Josiç, general Mladiç, ikençe ber mäğlüm qaçqın Radovan Karadjiç belän bergä qayadır Serbiädä yäşerenep yata ala, ämma alarnıñ qayda buluı politsiägä bilgele tügel, dip belderde.
Ul arada Serbiä-Montenegronıñ keşe xoquqları ministrı Räsim Lyäjiç şul uq sişämbedä Tanjug agentlığına, qayber serb xärbi türäläreneñ Mladiç belän bäyläneştä buluın häm äle xäzer dä tora aluın kürsätkän işarälär bar digän belderü yasadı. Lyäjiç süzlärenä qarağanda, Mladiçne awlaw tırışlıqları xäzer anıñ qaçar mömkinleklären taraytuğa yünälderelgän.
General Ratko Mladiç inde yıllar däwamında qaçıp yöri, Haagtağı xalıqara mäxkämä anı Sarayevo qamawın häm Srebrenitsadağı wäxşätne oyıştıruda ğäyepläde. Yewropada ikençe dönya suğışınnan soñ iñ dähşätle sanalğan Srebrenitsa faciğäsendä 8 meñläp möselman ire yuq itelde, häm bu cinayät berençe çiratta general Mladiç iseme belän bäyle. Ul çaqta, yäğni 1995-neñ cäyendä Bosniä serbları generalı bolay dip beldergän ide:
"Bügen 1995-neñ 11-nçe yülendä bez serb Srebrenitsasına kerdek, böyek serb bäyräme aldınnan bez bu şähärne böyek serb xalqına büläk itäbez. Nihayät bu kön - töreklärdän üz alu köne kilde", digän ide general Ratko Mladiç 10 yıl elek, Srebrenitsada meñnärçä möselmannı qırıp şul şähärne yawlap alğaç.
Xalıqara mäxkämä serb citäkçelären inde küptännän, ägär dä Mladiç häm Karadjiç Haagqa tapşırılmasa, dönya cämäğätçelege Serbiädän yözen çöyäçäk, dip kisätep kilä. Soñğı aralarda şuşı basım tağın da arta töşte - moña şuşı ay başında Kanar utrawlarında ikençe ber suğış qaçqını, xorvat generalı Ante Gotovinanı totqarlaw häm Haagqa kiterü dä zur tä''sir yasadı. Qaçıp yörüçelär sanı inde kimi bara häm alar tiräsendäge bocra torğan sayın qısıla.
Kärim Kamal
"Suğış cinayätlären tikşerüçe prokuror bularaq mindä qaçqınnarğa yardäm itüçe keşelär turında mäğlümat bar. Monı Serbiäneñ iminlek idaräse dä, ilneñ eçke eçlär ministrlığı da belä", di prokuror Vukçeviç.
Sişämbe könne Serbiäneñ eşke eşlär ministrlığı alay da, politsiädä andıy keşelär turında xäbär barlığın kire qaqtı. Parlamentnıñ iminlek komitetı qarşında yasağan çığışında eçke eçlär ministrı Dragan Josiç, general Mladiç, ikençe ber mäğlüm qaçqın Radovan Karadjiç belän bergä qayadır Serbiädä yäşerenep yata ala, ämma alarnıñ qayda buluı politsiägä bilgele tügel, dip belderde.
Ul arada Serbiä-Montenegronıñ keşe xoquqları ministrı Räsim Lyäjiç şul uq sişämbedä Tanjug agentlığına, qayber serb xärbi türäläreneñ Mladiç belän bäyläneştä buluın häm äle xäzer dä tora aluın kürsätkän işarälär bar digän belderü yasadı. Lyäjiç süzlärenä qarağanda, Mladiçne awlaw tırışlıqları xäzer anıñ qaçar mömkinleklären taraytuğa yünälderelgän.
General Ratko Mladiç inde yıllar däwamında qaçıp yöri, Haagtağı xalıqara mäxkämä anı Sarayevo qamawın häm Srebrenitsadağı wäxşätne oyıştıruda ğäyepläde. Yewropada ikençe dönya suğışınnan soñ iñ dähşätle sanalğan Srebrenitsa faciğäsendä 8 meñläp möselman ire yuq itelde, häm bu cinayät berençe çiratta general Mladiç iseme belän bäyle. Ul çaqta, yäğni 1995-neñ cäyendä Bosniä serbları generalı bolay dip beldergän ide:
"Bügen 1995-neñ 11-nçe yülendä bez serb Srebrenitsasına kerdek, böyek serb bäyräme aldınnan bez bu şähärne böyek serb xalqına büläk itäbez. Nihayät bu kön - töreklärdän üz alu köne kilde", digän ide general Ratko Mladiç 10 yıl elek, Srebrenitsada meñnärçä möselmannı qırıp şul şähärne yawlap alğaç.
Xalıqara mäxkämä serb citäkçelären inde küptännän, ägär dä Mladiç häm Karadjiç Haagqa tapşırılmasa, dönya cämäğätçelege Serbiädän yözen çöyäçäk, dip kisätep kilä. Soñğı aralarda şuşı basım tağın da arta töşte - moña şuşı ay başında Kanar utrawlarında ikençe ber suğış qaçqını, xorvat generalı Ante Gotovinanı totqarlaw häm Haagqa kiterü dä zur tä''sir yasadı. Qaçıp yörüçelär sanı inde kimi bara häm alar tiräsendäge bocra torğan sayın qısıla.
Kärim Kamal