Accessibility links

сишәмбе, 6 декабрь 2016, Казан вакыты 20:58

Kiev Rusiäneñ Ukrainağa gaz burıçları bar dip belderde


Ukraina premyer ministrı Yuriy Yexanurov tabi gaz öçen Rusiä quyğan soñğı bäyälär qabul itelmäslek häm Ukrainağa iqtisadıy basım dip bäyälänerlek dide. Bügen Kievta Yexanurov Rusiä belän Ukraina arasındağı gaz bäxäse axır çiktä xalıqara arbitraj mäxkamäsenä kütärelergä mömkin dide. Ul şulay uq Rusiäneñ Ukrainağa burıçları bar dip östäde. "Bezneñ Naftogaz Ukraina şirkätebez belän eşçänlekkä bäyle räweştä Rusiälelärneñ bezgä beryarım milliard kubometr gaz burıçı bar. Bu uñaydan barlıq burıçların tüläwne taläp itep Naftogaz Ukrainı başlığı Gazpromğa räsmi kisätü cibärde. Bez Rusiäneñ 1-nçe Ğinwarğa qädär Ukrainağa burıçların tüläp beterüen telibez" dide Yexanurov. Ukrainanıñ Yağulıq häm Energiä ministrı İvan Plaçkov kiläse yılda Rusiädän tabiği gaz alu kileşüe turında Mäskäwdä söyläşülär ütkärä. Rusiä belän Ukraina arasındağı gaz bäxäse turında bügenge xalıqara küzätülärebezdä tulıraq mäğlümät bulır.

XS
SM
MD
LG