Accessibility links

якшәмбе, 4 декабрь 2016, Казан вакыты 07:06

Qazada milli Qış babayğa ixtiac yuq däräcäsendä


Yaña yılğa ber niçä, kön qala, dönyalar çırşı bäyrämnäre, qış babay, büläklär belän şaşa başlıy. Bu könnärdä, här oyışma diärlek üz xezmättäşläre arasında yaña yıl kiçälären uzdıra. Aqçaları azraq bulğanı, tıynaq qına eşlägän cirdä öställär qora. Bay oyışmalar, restorannarda urınnar alıp, artistlar çaqırıp, tamaşalar uzdıra. Mäktäplär, balalar baqçalarında da yaña yıl kiçäläre uzdırıla. Yaña yıl aldınnan Qış babaynı çaqırtu xezmäte, aqçalar eşläp ala. Qazanda andıy oyışmalar bixisap. Alar aşa tuğannarınıñ balaları yanına, xezmättäşlär belän kiçägä, mäktäptäge bäyrämgä dä, Qış babaylarnı çaqırtırğa bula. Ber säğäte – 400 sumnan başlap. 31 dikaber yaqınlaşqan sayın, bäyälär arta, mäsälän näq yaña yıl aldınnan, Qış babay belän Qar qızın öyegezgä kitertergä uylasağız, inde 400-600 tügel, ä 800 sum tülärgä turı kiläçäk. Qış babay xezmätläre küp, ämma alarnıñ barısı da diärlek, urısça ğına söyläşüçe artistnı täqdim itä aldı. Berniçä qotlaw xezmätenä şaltırattıq. Andağı tutaşlar, zakazlarnı qabul itäbez, ämma tatarça söyläwçe Qış babaylarıbız yuq bezneñ, dip cawap birdelär. Şuşı uq, xezmättä, andıy milli qış babaylarnı sorawçılar bar, ämma bik siräk, dip cawap birdelär.

İkençe cotlaw xezmäte belän elemtägä çıqqan idek. Anda da, tatarça tamaşa ütkärüçelär yuqlığı açıqlandı. Qazanda bu zur problema, tatarça belüçe äzerlekle kadrlar yuq, dip cawapladılar. Şuşındıy ixtiacnı belä torıp, tatar jurnalistı Amil Nur, tanışları belän bergä, tatarça Qış babay häm Qar qızı xezmäte kürsätep qararğa bulğan. Ämma biznes uñışlı bulmağan. Amil Nurnıñ äytüenä qarağanda, tatarça qış babayğa ictiac yuq däräcäsendä, kübese urısça sorala. Balalar öçen genä tügel, olılar öçen dä eşlärgä çaqıralar di ul. Xezmättäşlär kiçälärenä mäsälän. Ämma milli Qış babay urısça söylärgä häm iserek kampaniäneñ käyefen kütärep yörergä alınmıy ikän. «Möslimä» xatın-qızlar oyışması citäkçese Almira Aiduatullina isä, yaña yılğa gomumän möselman küzlegennän qararğa täqdim itä. Anıñ fikerençä, Gäysä päyğämbärneñ tuğan yılın tügel, ä Möxämmät päyğämbärneñ Mäkkädän Mädinägä küçüdän isäplänä başlağan möselmança yıllar almaşuın bäyräm itügä kübräk iğtibar birergä kiräk.

Bikä Timerova.

XS
SM
MD
LG