Accessibility links

җомга, 2 декабрь 2016, Казан вакыты 22:56

Tobol qızı Alsu Törkiä futbol komandasına qaşıyq


Toboldağı Taşkievlar fatirına kilep kergäç tä diwarlarğa elengän räsemnär iğtibarnı cälep itä. Surätlär futbol belän bik ük yaqın bulmağannar öçen “ut uynatırday” yegetlärneñ qaysıdır komandada uynawınnan qala başqa mäğlümat birmi. Räsemnär işektän kilep kergäç tä, qunaq bülmäsendä dä, aş bülmäsenä dä elengän. Alar şulqädär küp, häm törle zurlıqta, häm bu fatirda yäşäwçelärneñ berse çınnan da futbol tibä digän uylar üzennän üze başqa kilep kerä.

Alsu Taşkieva 19 yäşennän birle Törkiäneñ futbol komandası yazmışı belän qızıqsına. Aña qädär ul bu ilneñ tarixın öyrängän. “Bezneñ tamırlarıbız urtaq bit”,- di. Ä menä ber könne, dönya çempionatında, Törkiäneñ cıyılma komandası Alsunı üzenä qaşıyq ittergän. Soñğı uınışsızlıqları öçen ul bik borçıla. “Trenerları almaşınu da moña yoğıntı yasağandır”,- di.

Alsu çın küñelennän Bişektäş uyınçısı İlham Madis uyınına qaşıyq. Häm Tobol qızı fikerençä, İlhamnıñ mömkinlekläre bik zur. Anı haman da östämä uyınçı itep totularına bik borçıla. Alsu İlhamnıñ küp tellärne belüenä, pianinoda uynawına häm ğomumän icadi şäxes buluına söyenä. İnternet çeltäre aşa İlhamğa berniçä tapqır xat ta yullağan bulğan. Ämma cawap bulmağaç, minem şikellelär meñnärçä der dip üz-üzen tınıçlandırğan.

Alsunıñ iñ zur xıyalı häm ul bu xıyalı tormışqa aşar dip ışana: kiläse cäygä Törkiägä barıp yaratqan komandasınıñ uyının üz küzläre belän kürü. Tik menä dönya ğibatlanuı ğına kiräk qädär aqça tuplawnı haman da suza. Şulay da 2005 nçe yılda Alsu çit il pasportın eşlätep quyğan inde. Ätise dä, änise dä, enese dä, dus-işläre dä anıñ, quş tırnaqlar eçendä äytkändä, bu “mäxäbbätenä” teläktäşlär. Ä säbäbe: üz milläteñneñ şundıy komandası bulmağaç qaya barasıñ?.

Alsu beleme buyınça yurist. Anıñ östenä östämä psixolog belgeçlegen üzläştergän. 22 genä yäş buluına qaramastan yärdäm sorap kilüçelär özelmi. Törkiägä xörmät yözennän uqıtuçıdan däreslär alıp kendek biüen öyrängän ul. Törek telen üzläşterä başlağan.

Tobol qızı Alsu Taşkieva 2006 nçı yıl Törkiäneñ futbol komandasına uñışlar kiterer dip ışana.

Nail Alan, Tömän

XS
SM
MD
LG