Bertörkem Tatarstan wäkilläre 18-19 dikaberdä Tömän ölkäseneñ Tobol qalasında bulıp uzğan “Seberdä İslam sivilizatsiäse urnaşuğa 610 yıl” dip atalğan konferensiädä qatnaşıp qayttılar. Anda Tatarstannan tarix fännäre doktorları Damir İsxakov, Ğabdelbär Fäyzraxmanov, Fuat Ğaliev häm filologiä fännäre doktorı Färit Yaxin, häm şulay uq “İttifaq” firqäse räise, tanılğan cämäğät eşleklese , yazuçı Fäwziä Bäyrämova, häm Böten tatar ictimaği üzäge räise Tälğät Bariev buldılar . Bu konferensiäneñ nindi şartlarda uzuı häm anda kemnär nindi temalarğa çığışlar yasawları turında Tälğät Bariev söyläde.
Şulay uq Tälğät Bariev Tömän ölkäsendä eşläp kilgän “Miras ”dip atalğan tatar mädäniäte üzägeneñ eşçänlege turında da söyläde. Häm Anıñ küñelendä iñ istä qalğanı Federal' trassalarda, yäki, olı yullarda tuğan töbäkne , tabiğät'ne saqlarğa çaqırğan tatar telendä yazılğan zur bannerlarnıñ yul çitendä buluı turında, “bezgä ürnäk bulıp torırlıq äyberlär dä bar”,- di ul.
Aldağı könnärdä , bälki yıllarda Tömän ölkäse tatarları belän bäyläneşläregez küz aldında totılamı digän sorawğa ul bolay dide. “2007 yılda kürenekle cämäğät eşleklese ilahiät ğalime Ğabdraşit İbrahimovnıñ tuuına 150 yıl tuluğa bağışlanğan konferensiä uzdırırğa kileşep qayttıq”,- dide ul .
Sez Tömän ölkäse Tobol şähärendä uzğan “Seberdä İslam sivilizatsiäse urnaşuğa 610 yıl” dip atalğan konferensiä turında Böten tatar ictimaği üzäge räise Tälğät Bariev belän äñgämä tıñladığız.
Mälikä Basıyr, Qazan.
