Accessibility links

пәнҗешәмбе, 8 декабрь 2016, Казан вакыты 10:59

2005 yılnıñ şatlıq mizgelläre


Uzğan 2005 yıl, älbättä, minem dä istä qalaçaq.Törlese buldı bu yılda . Xalıq tormışında da , şäxsän yäşäyeşemdä dä, açısı da , töçese dä.

Bez “Azatlıq” radiosınıñ Qazan bülegennän, Çallıdan alıp Çuwaşiä, Çiläbe, xätta Yıraq Şäreqtağı Xabarovskiy kraylarına qädär häm başqa töbäklärdän telefonnan çıltıratıp, andağı xäbärlärne , yazmalarnı efirğa äzerlädek. Qayber töbäklärdän, mäsälän Yekaterinburg, Samara, Irımburdan birüçe xäbärçelär komp'yuter aşa turıdan -turı xäbärne Pragağa cibärüne üzläşterdelär.

Tatar jurnalistları öçen yıraqqa tawışlar cibärü häm internetqa tekstlar elep quyu bik siräk oçrıy torğan xäl. Döresräge äle başqa ber genä dä tatar radiosı da mondıy alğı ısullarnı qullanmıy. Min “Azatlıq” radiosınıñ häm anıñ xezmätkärläreneñ şundıy aldınğı mäğlümat texnologiäsendä häm citezlektä iñ alda baruı belän ğorurlanam.

Ä uzğan yılda küz yäşläre çığarğan mizgellär dä az bulmadı. Ämma ayağımnı sındırıp, ay buyı yataqta yatqanda tügel, ä Qazannıñ 1000 yıllığı könnärendä çıqqandır ul küz yäşläre. Bigräk tä, beläsezme qayçan? Bar bit äle D.Tuxmanovnıñ “Den Pobedı” digän cırı . Anda şundıy süzlär bar bit äle : “ eto prazdnik so slezami na glazax”digän süzlär. Şul cırdağı kebek , Qazannıñ 1000 yıllığı könnärendä şuşı izelgän , qaraltılğan tatar xalqınıñ çın tarixı döreslekkä yaqınayıp kürsätelüe, bu bäyrämneñ böten dönyağa yañğırawı bigräk tä şunsı küñeldä zur tä'sir qaldırdı.

Häm şulay uq äle genä yañğırağan “Canlı Qazan” dip isemlängän minem cırım da Uniks konsertlar zalında Rämil Mindiär başqaruında Qazannıñ 1000 yıllığına bağışlanğan konsertta yañğırawı mine , älbättä, bik dulqınlandırdı. Häm tormış niqädär genä qatlawlı bulsa da, bez aña xıyänät itä almıybız. Min bik räxmätlemen sezneñ barçağızğa, yaqtaşlarıma ,tuğannarıma, häm ğomumän millättäşläremä. Häm 2006 yılda sezgä qorıçtay sälämätlek, yalqınlı mäxäbbät häm kübräk bäxetle könnär teläp qalam.

Mälikä Basıyr, Qazan.

XS
SM
MD
LG