Accessibility links

дүшәмбе, 5 декабрь 2016, Казан вакыты 21:53

Tatnet yañalığı: Yıl tatarı kem bulır?


Yaña yıl kilgäç, millättäşlärebezgä «Yıl tatarı» bäygesendä ciñüçelärne dä qotlarğa forsat tuaçaq. 31nçe dikaber tönendä, tawış birü tämamlana, şunnan soñ. «Yıl tatarı» isemenä iä buluçı bilgele bulaçaq. http://www.tatarlar.ru/new/071205-1.html Äle, tawış birülär däwam itä. «Tatar qızı – 2005» isemen däğwälawçı xatın-qızlar isemlegendä berençe urında, Äläzän awılına barıp, möselmannar tormışın obyektiv kürsätkän öçen dip bäygegä çığarılğan xäbärçe Gamira Däwlätşina bara. Anıñ öçen 111 tawış birelgän. Ir-atlar isemlegendä, Tälğät Axmädişinnı berençe urında kürep buldı. «Tatar- 2005» isemen däğwalaüçı ir-atlar arasında Çallıdağı «Azatlıq» yäşläre berlege citäkçesenä 135 keşe tawış birgän. İkençe urınğa, Tufan Miñnullin çıqqan. Anı oyıştıruçılar, iñ küp quyılğan pyesalar avtorı bularaq, bäygegä çığarğan. «Tatar2005» isemen alır öçen köräş ayıruça qatı bara. Bäygeneñ bu törendä 2191 tawış birelgän. Bu tawışlarnıñ ber öleşe yasalma räweştä quyılğan bulırğa mömkin dip farazlasaq ta, ul xätle tawışlar sanı bäygeneñ başqa törlärendä küzätelmi. Mäsälän, «Tatarlar internetta» digän bülektä barlığı 515 tawış birelgän, «Tatarlar duslığı-2005» digän nominatsiädä barlığı 466 tawış birelgän. Anda da Tälğät Äxmädişinnıñ fikeredäşläre, Kaşapovlar ciñep bara. «Tatarlar internetta» digän bülektä, İrek Bikinin berençe urınğa çıqqan. Anı oyıştıruçılar, «Yıl tatarı» bäygesenä, ütkän yılda ike internet sayt yasağan öçen çığarğan. İrek Bikininğa, qatnaşuçılardan 65 tawış birelgän. İrek Bikinin, www.bulmas.ru, www.xat.ru saytlarınıñ xucası Ruzil Möxetdinov belän, ber tawışlıq ayırma belän bara. Älegä qädär kemneñ ciñüen äytep bulmıy çönki, tawışlar sanı minut sayın üzgärep bara. İnde ciñüçe bilgeläwgä kilgändä, «Tatarlar.ru» saytında yazılğança, ul, tawışlar sanına qarap bilgelänäçäk. Yäğni bäygedä ciñüçe, yarışnıñ teläsä nindi nominatsiäsennän alınıp bilgelänergä mömkin. İñ küp tawışqa qarap. Älegä qädär, iñ küp tawış, Tälğät Äxmädişinğa birelgän. Wazğiät, yaña yılğa qädär kisken üzgärergä dä mömkin, şuña kürä kemneñ ciñüe, älegä qädär farazlap bulmıy. Läkin Tatnet programmasınıñ kiläse çığarılışında qädär, bez anı hiçşiksez beläçäkbez. "Azatlıq"tan ayrılmağız.

XS
SM
MD
LG