Accessibility links

шимбә, 3 декабрь 2016, Казан вакыты 05:25

2005 yılda Başqortstanda iñ istä qalğan xällär




Bıyıl Başqortstan öçen küp kenä asıl zatların yuğaltu yılı da buldı. İñ kürenekle şäxeslärdän Başqortstannıñ xalıq şağire Mostay Kärimneñ wafat buluı şul yuğaltular isäbennän. Tanılğan ädip sentäber azağında, 86 yäşlek tuğan könenä ber ay qalğaç märxüm buldı. Anıñ belän xuşlaşırğa meñnärçä keşe kilgän ide. Ufanıñ üzäk uramnarı ul könne xalıqnı köçkä-köçkä sıydırdı.



Qayber ataqlı şäxeslär üzläreneñ kürkäm yubileyların bilgeläde ütep baruçı yılda. Misal öçen, tatar xalqınıñ sanduğaçı, mäşhür cırçı Färidä Kudaşewa 15 dikaberdä üzeneñ 85 yäşen tutırdı. Anıñ şuşı kürkäm yubileyına bağışlanğan mädäni çaralar tuaçaq yılnıñ fevral' urtasına täğäyenlängän.



Bıyıl Başqortstanda tatar häm başqort xalıqlarınıñ ataqlı şäxesläre – xalıq şağire Mäcit Ğafuri häm kürenekle säyäsätçe, ğalim Äxmätzäki Wälidi yılı bularaq ta istä qaldı. Mäcit Ğafurinıñ tuuına 125 yıl, ä Zäki Wälidineñ tuuına 115 yıl tulu uñayınnan respublikada bixisap mädäni çaralar, fänni-ğamäli konferensiälär oyıştırıldı. Alarda çit töbäklärdän kilgän qunaqlar da qatnaştı.

Fänis Fätxi, Ufa.

XS
SM
MD
LG