Accessibility links

пәнҗешәмбе, 8 декабрь 2016, Казан вакыты 05:08

Rusiä üzendä yasalğan raketalarnıñ İzraildä şartlawı turında xäbärlärne kire qağa


Rusiä bu atnada İzrail'gä atılğan Hizbulla raketaları Rusiädä yasalğan digän İzrail' ğäyepläwlären kire qaqtı. Kiçä kiñküläm mäğlümät çaraları İzrail' generalı Aharon Zeevi Farkaşnıñ Hizbulla Rusiädä yasalğan raketalarnı Süriädä satıp alıp alarnı çik aşa İzrail'gä atqan digän süzlären kitergän ide. Rusiä tışqı eşlär ministrlığı süzçese Mixail Kamınin mondıy ğäyepläwlär öçen nigez yuq dide. Kamınin Rusiäneñ qorallarnı taratunı kontrol' itü sisteması iñ qırıs häm iñ ışanıçlı dide. İzrail' generalı Farkaş Rusiä bu qorallarnı Süriägä alarnı Hizbullağa birmäw şartı belän satqan dide häm İzrail' räsmiläre aldan uq Süriä xökümätenä satılğan qorallarnıñ terrorçılar qulına elägü mömkinlege turında kisätkä ide dip östäde.

XS
SM
MD
LG