Accessibility links

җомга, 2 декабрь 2016, Казан вакыты 21:11

Gazprom Yewropağa tabiği gaz cibärü tuqtalmayaçaq dip ışandıra


Rusiä häm Ukraina räsmiläre Ukrainağa kiläse yıldan gaz satunı tuqtatuğa yul quymaw öçen kileşergä tırışıp bıyılğı soñğı söyläşülärne ütkärgändä Rusiäneñ däwlät qaramağındağı Gazprom şirkäte Yewropağa gaz cibärü tuqtalmıyaçaq dip ışandırdı. Gazprom Kievnı Ukraina aşa ütüçe gazütkärgeçlärdän qanunsız räweştä gaz alu qırıs häm qatğıy çaralarğa kiteräçäk dip kisätte. Ukrainağa gaz satuğa kilgändä, Gazprom räise Aleksey Miller tağın ber märtäbä ägär kileşügä ireşelmäsä 1-nçe ğinwardan Ukraina öçen torba yabılaçaq dide. İke yaq wäkilläre Gazpromnıñ kiläse yıldan Ukrainaga meñ kubometr gaz bäyäsen 50 dollardan 220 dollarğa kütärü niäte turında söyläşä. Bügen Ukraina prezidentı Viktor Yuşçenko söyläşülär öçen kübräk waqıt buldıru maqsatı belän 10-nçı ğinwarğa qädär gaz bäyälären tuñdırırğa täqdim itte. Gazprom bu täqdimne kire qaqtı.

XS
SM
MD
LG