Accessibility links

якшәмбе, 4 декабрь 2016, Казан вакыты 19:31

Üzara mönäsäbätlärne nığıtu bäyräm könnärendä dä däwam itä - Rusiä häm Estoniä täcribäse


Köndälek küzätülär yıl buyı möhim säyäsi waqiğälärgä bağışlanıp kilde, alar bügen dä bar ide, ämma Yaña yıl kiçendä "Azatlıq" radiosı bäyräm ruxına turı kilgän närsä turında söylär. Bu atnada Estoniäneñ Rusiä belän çigendä ike xristian Rıştuası traditsiäse oçraştı. Santa Klaus kiemenä kiengän eston keşese şul ike il arasındağı küperdä, urıs çik saqçıların sälämläp, Rusiä yağınnan Qış Babay kiemendäge ikençe beräw belän küreşte.

Narva yılğası aşa salınğan küperdä şulay itep yaña diplomatik ğädät barlıqqa kilde. Santa da, Qış Babay da üzlären qärdäş dip atap, ber yıl buyı küreşmäwe, xäzer menä bergä oçraşu uñayınnan kiläse 2006-nçı yılda härkemgä iminlek wä mullıq teläwe xaqında belderde:

Rusiädä, "Yaña yılnı niçek qarşılıysıñ, yılı da şulay ütä" digän ğibarä buluın iskä töşerep urıs Qış Babayı, äydägez kiläçäktä dä şuşı oçraşunı ber ğädät itik, ul yortlarıbızğa iminlek, ışanıç, bäxet alıp kilsen", dide.

Mondıy oçraşu Rusiäneñ Estoniä belän çigendä berençe märtäbä genä uzmıy, şuşı ğädätkä nigez äle 1997-nçe yılda uq salınğan ide. "Çiklärsez Rıştua" dip atalğan niät belän ike ilneñ tamujnä xezmätkärläre çıqtı. Alar fikerençä, şundıy ğädäti bulmağan, üzençälekle çara çikneñ ike yağında da yäşägän keşelär arasında ışanıçnı häm xezmättäşlekne arttıruğa bulışa ala.

Bıyıl oyıştıru eşlärendä Estoniäneñ yök taşuçılar berläşmäse dä qatnaştı, anıñ räise Toivo Kuldkeep:

"İdeä Rusiä tamujnä xezmätkärlärennän kilgän ide. Minemçä, bu şäp ber başlanğıç, üzenä kürä ber eçkersezlek ğämäle. Santa Klaus häm Qış Babay bu izge eşneñ ilçeläre bula ala. Üzebez yağınnan bez Rusiä çik saqçıları häm tamujnä xezmätkärläre belän bernindi dä nizaqta bulmawıbıznı kürsätergä telibez, bu mäs''älädä bez barıbız da ber yaqta, bez barıbız da çiklär aşa xäräkätneñ tiz ütüen telibez", di Estoniäneñ yök taşuçılar berläşmäse räise Toivo Kuldkeep.

Rıştua teläge bulıp, Estoniä belän Rusiä arasındağı çikne yök maşinaları kiläse yılda tağın da tizräk ütär digäne tora, di Kuldkeep:

"Xäzer yewropa Berlege kiñäyü belän çik aşa uzğan maşinalar sanı bermä-ber arttı, bigräk tä Narvada. Bezneñ kiläse yılğa teläk şul - bälkem dä Santa çik buyındağı çiratnı beraz qısqarta alır. Bu yök taşuçılar da, çik buyı xakimiate dä mänfäğätendä. Şuña kürä Santa Klausnıñ häm Qış babaynıñ bügenge oçraşuı bik kürkäm ber waqiğä, miña bu bik oşıy", di Toivo Kuldkeep.

Kärim Kamal
XS
SM
MD
LG