Mäskäw. Rusiäneñ baş prokuraturası ilneñ elekke atom idaräse başlığı Yevgeni Adamovqa qarşı xärämläşü häm wazifasınnan şäxsi maqsatlarda faydalanu ğäyepläwläre çığardı. Adamov bügen irtän Şvetsariädän Mäskäwgä qaytarıldı. Ul anda may ayında, amerikan yağı taläbe belän totqarlanğan ide, Quşma Ştatlar Adamovnı, Rusiäneñ atom qorılmalarındağı iminlekne nığıtuğa cibärelgän amerikan aqçasın üzläşterüdä ğäyepläde. Quşma Ştatlar Adamovnı üzenä birüne taläp itkän ide, ämma Şvetsariäneñ yuğarı mäxkämäse bu atnada Adamovnı Rusiägä birü qararın çığardı.
