Accessibility links

якшәмбе, 4 декабрь 2016, Казан вакыты 01:03

Bali cıyınında cılınuğa qarşı plan qabul itelde


Klimat üzgärüenä bağışlanğan BMO cıyını, Nusa Dua, Bali, İndonezia 15.12.2007

Klimat üzgärüenä bağışlanğan BMO cıyını, Nusa Dua, Bali, İndonezia 15.12.2007

İndoneziäneñ Bali utrawında barğan klimatnıñ üzgärüenä bağışlanğan xalıqara konferensiädä şimbä könne, nixayät, ber näticägä ireşelde - dönyadağı cılınuğa qarşı plan qabul itelde.


Bu näticägä cıyın 20 säğätkä ozağraq sızılıp, Quşma Ştatlar üz taläplärennän çigengännän soñ ğına ireşelde:

Bez ozın yul üttek, Quşma Ştatlar çınlap ta bu yünäelştä bergäläp eşlärgä teli. Şuña kürä, bez dä urtaq fikergä quşılabız, - dide AQŞ törkeme başlığı, däwlät sekretare urınbasarı Paula Dobriansky.

Berläşkän Millätlär oyışması general sekretare Ban Ki-moon "Bali planın" klimat üzgärügä qarşı yaña kileşü yünäleşendä berençe xälitkeç adım dip atadı. Älege plan 2009 yılğa qädär tikşerelep beterergä häm 2012 yılda Kyoto kileşüen alıştırırğa tieş bulçaq.

Tirä yün moxit saqlawçı törkemnär Bali planına rizasızlıq belderde. Alar fikerençä, anda dönyada yapma gazlar çığarunı kimetü öçen anıq maqsatlar bilgelänmägän.

XS
SM
MD
LG