Accessibility links

пәнҗешәмбе, 8 декабрь 2016, Казан вакыты 01:09

2 mart könne Dmitriy Medvedev Rusiäneñ kiläse prezidentı bulıp saylansa, ilneñ älege prezidentı Vladimir Putin premier-ministr urının alırğa rizalığın birde. Bu turıda ul düşämbedä Mäskäwdä ütkän Berdäm Rusiä firqäseneñ qorıltayında belderde.


Rusiäneñ kiläse prezidentı urınına berençe vitse premier Dmitriy Medvedevnı Berdäm Rusiä firqäse başqa 3 partiä belän berlektä elegräk täqdim itkän ide. Düşämbedä Berdäm Rusiä fiqräseneñ Mäskäwdä ütkän qorıltayında bu täqdimne prezident Vladimir Putin qabatladı. Medevedev belän 17 yıl tanış buluın iskärtep, ul anı ädäple keşe dip atadı, häm Rusiäne anıñ qulına tapşıru oyat ta, qurqınıç ta tügel dide.

Uzğan atnada Medvedev prezident bulıp saylanğan oçraqta Putinnı premier-ministr itep kürergä teläwen äytkän ide. Bügen Putin, Medvedev prezident bulıp saylansa, anıñ xökümätendä räis bulıp eşlärgä rizalığın birde.

"Ägär bezneñ xalıq Medvedevqa ıçanıç belderep anı prezident itep saylasa, min urtaq eşebezne däwam itergä äzer, bu oçraqta xökümät räise bularaq" dide Putin.

Qorıltayını alıp baruçı Berdäm Rusiä citäkçese Boris Grızlov Putinğa süz birgändä, anı perzident qına tügel, ä "milli yulbaşçıbız" dip atadı. Putin üzeneñ çığışında, Berdäm Rusiä firqäse äğzaların rusiälelärneñ tormışın yaxşırtu öçen armıy-talmıy eşlärgä öndäde. Qaznadan aqça alıp eşläwçelär, xärbilär, pensionerlarnıñ eş xaqların bilgelängän waqıttan da irtäräk arttırrığa täqdim itte.

Rusiädäge wazğiätne, Berdäm Rusiäneñ Dumada küpçelekne alıp toruın iskä alğanda, mart ayında ütäçäk saylawlardan soñ xakimiätneñ nindi tösmer alaçağın aldan uq xästärläp bula. Dmitriy Medvedev prezident, Vladimir Putin – premier-ministr bulaçaq.

Putinnıñ kiläçäktä Medvedevnıñ qulı astında eşläwen küz aldına kiterä almawçılar, prezident häm pemier-ministrnıñ wäkälätläre üzgärteläçäk, kiläçäktä Rusiädä premier prezidenttan köçleräk bulaçaq digän farazlar äytkän ide. Moña cawap itep, Putin, premier häm prezidentnıñ wäkälätläre üzgärtelmäyäçäk dide.

Şulay itep, Putin süzendä tordı diärgä bula. Ul 3nçe möddätkä prezidentlıqqa barmıy, ämmä xökümät räise bulıp xucalıq eşendä qalaçaq.

Säyäsi küzätüçelär anıñ bu qararına añlatma ezli. Şularnıñ besren bügen Rusiäneñ New Times basması kiterä. Bu basma fikerençä, Putin, üzeneñ yaqın keşeläre aşa, Rusiäneñ ere gaz häm neft tarmaqların kontrol itä. Andağı qarşılıqlarğa yuq quymas öçen ul premier bulıp qalırğa rizalıq birgän.

Rusiäneñ tanılğan säyäsi küzätüçese Stanislav Belkovskiy Germaniäneñ Die Welt basmasına birgän öñgämäsendä äytüençä, Putinnıñ totrıqlılıqnı saqlap qalırğa çaqırıp yasağan çığışları belän çınbarlq arasında ayırma bar. Anıñ çığışları äle dä sovetça fiker yörtkän xalıq öçen yasala. Çınbarlıq isä ere eşquarlıq mänfäğätläre belän bilgelänä.
XS
SM
MD
LG