Accessibility links

Кайнар хәбәр

Qırğızstanda saylaw näticälärenä rizasızlıq, protestçılar qulğa alına


Qırğzstanda uzğan yäkşämbe könne bulğan saylaw näticäsenä häm opazisiä äğzälärenä bik az urın birelgän yaña xaqimiätkä qarşı protest çaraları däwam itä. Protestkä qatnaşuçılar isä qulğa alına başlandı.

Yaña saylanğan Qırğızstan parlamentınıñ berençe utırışı bügen buldı. 90 minut däwam itkän utırışnıñ axırında, parlament äğzäläre yäkşämbe könge saylawğa protest beldergän xalıqnıñ parlament aldında protest çaraları oyıştıruına şaxit buldı.

Prezident Qormanbäk Baqiev, Aq jol partiäsen üktäber urtalarında oyıştırğan ide. Kiçä saylaw komissiäse parlament saylawında, älege partiä 90 urınlı parlamentneñ 71 urınnı aluın iğlan itte. Ämmä saylawğa qarşı rizasızlıqlar arta. Oppozisiädge Ata Meken partiäse, saylaw näticälärenä rizasızlıq belderä.

Saylaw näticäläre belän kileşmägän ber törkem jurnalist, oyışma wäkelläre häm keşe xoquqları aktivistläre dä protest çaralarında äwzem qatnaşa. Bişkäktän kilgän xäbärlärgä qarağanda, şähär üzägendä protest çarası oyıştıırğa cıyınğan 30 keşe qulğa alınğan. Qulğa alınğan 10 keşeneñ Ata Meken partiäsen yaqlawçıları buluı xäbär itelä. Qalğannar isä “min ışanmim” dip isemlängän oyışma keşeläre bulğan. Alarnıñ barsı da düşämbe könnän birle, saylaw näticälärenä rizasızlıq belderä.

Dinara Oshurahunova, Demokra häm sivil xalıq berlege oyışması başlığı. Ul totqınnarnıñ mäxkämä eşläre xaqında bolay mağlümät birde:

“Mäxkämä alarnı 5 köngä törmädä totaçaq. Milisiä alarnı härbersen ayırım bülmälärdä tota. Törmägä yabılğan qaysı ber moña reaksiä kürsätkän häm alarğa qarşı çıqqannarı öçen ştraf birelgän häm qayberäwlärneñ qalu möddäte arttırılğan”

Bäyräm bulı säbäble protest çaralarına älegä iğtibar küp tügel. Şulay da, Oş häm Calalabad kebek şähärlärdä açlıq totıp protest belderüçelär bar digän xäbärlär bar. Qarşılıq çaraları şul uq waqıtta tönyaq İssik Kül töbägendä dä däwam itä. Läkin Ata Meken partiäse yaqlawçıların, qarşılıq çaraların Düşämbe könne başlap cibärergä çaqıra. Çönki bu könne parlament räise saylanaçaq.

AQŞ Däwlät depatmanlığınnan da saylaw näticäsenä qarata kiçä belderü yasadı. Anda,
yäkşämbe könne bulğan saylawga qarata tänqitlär buldı. AQŞnıñ bu belderüendä, Yewropada xalıqara iminlek häm xezmättäşlek oyışmasınıñ saylawnı küzäkän wäkillär xisabı qullanılğan dip isäplänä. Ul xisaplarda da bu saylawda Qırğızstan demokratiägä tuğrılıqlı buluın kürsätä almadı diyelä ide.

XS
SM
MD
LG