Bu saylawda Kärimovqa köndäş bulırlıq säyäsätçelär qatnaştırılmıy. Kärimovnıñ üzenä bernindi köndäşlekne kürergä telämäwe säbäple küp kenä oppozitsion säyäsätçelär çit illärgä kitep bette.
Oppozitsiä bu saylawnı sovet çorı saylawlarına tiñli. Çınlıqta bu saylawda Kärimovtan qala tağın 3 namzät bulsa da, wäzğiätne küzätep baruçılar alar saylawnı demokratik sıman itep kürsätü öçen maxsus quyılğan keşelär genä di.
Üzbäkstanda räsmi terkälgän ber genä oppozitsion firqa dä yuq.
Bu saylawnı oppozitsiä aktivistları häm keşe xoquqların yaqlawçı törkemnär inde aldan uq ğädel dä irekle dä tügel dip bäyäläde.
AQŞta terkälgän xoquq yaqlawçı xalıqara Human Rihgts Watch oyışması Üzbäkstanda irekle, ğädel saylaw öçen şartlar yuq dip belderde.
Yewropada Iminlek wä Xezmättäşlek Oyışmasınıñ saylawlarnı küzätüçe bülege Üzbäkstanğa saylawnı küzätü öçen berniçä wäkilen genä cibärde.
Oyışmanıñ Demokratik qorılış häm keşe xoquqları bülege süzçese Urdur Gunnarsdottir bügen Warşawdan Azatlıq radiosına "Töp iğtibar başqa härtörle ildägeçä saylaw aldı köräşen, xakimiätlär eşçänlegen, kiñküläm mäğlümät çaraların häm qanunnarnı küzätep baruğa yünältelä. Bügen bez älbättä tawış birü häm tawışlarnı sanaw barışın da küzätäbez. Şulay itep bez bu saylawnı häryaqlap küzätergä tırışabız" dide.
Yewropada Iminlek wä xezmättäşlek oyışması Üzbäkstanda moñarçı ütkän saylawlarnı xalıqara qısalarğa turı kilmäde dip bäyälägän ide.
Ğinwar ayında Kärimovqa 70 yäş tula. Anıñ öçençe möddätkä ninqi xoquqıy nigezdä saylanırğa cıyınuı açıq tügel. Üzbäkstan konstitutsiäse ber keşegä 3 märtäbä prezident bulıp torunı röxsät itmi.
Kärimovnıñ ikençe prezidentlıq möddäte äle bu yıl başında uq çıqqan ide. Anıñ uzğan ayda öçençe möddätkä saylanu niäteneñ niçek qabul itelüe añlaşıylmıy.
Kärimov 1995 häm 2002 yıllarda üzeneñ prezidentlıq möddäten referendumnar ütkärep 2 märtäbä ozaytqan ide inde.
Bu saylaw aldınnan ul çit il diplomatlarına 27 million xalqı bulğan üzbäkstanda irekle cämğiät häm bul tormış qorırğa cıyınuın belderde.
Ämma küp kenä kiñküläm mäğlümät çaralarına, şul isäptän BBCğa Üzbäkstanda bu saylawnı yaqtırtu mömkinlege birelmi.
Naif Aqmal
Oppozitsiä bu saylawnı sovet çorı saylawlarına tiñli. Çınlıqta bu saylawda Kärimovtan qala tağın 3 namzät bulsa da, wäzğiätne küzätep baruçılar alar saylawnı demokratik sıman itep kürsätü öçen maxsus quyılğan keşelär genä di.
Üzbäkstanda räsmi terkälgän ber genä oppozitsion firqa dä yuq.
Bu saylawnı oppozitsiä aktivistları häm keşe xoquqların yaqlawçı törkemnär inde aldan uq ğädel dä irekle dä tügel dip bäyäläde.
AQŞta terkälgän xoquq yaqlawçı xalıqara Human Rihgts Watch oyışması Üzbäkstanda irekle, ğädel saylaw öçen şartlar yuq dip belderde.
Yewropada Iminlek wä Xezmättäşlek Oyışmasınıñ saylawlarnı küzätüçe bülege Üzbäkstanğa saylawnı küzätü öçen berniçä wäkilen genä cibärde.
Oyışmanıñ Demokratik qorılış häm keşe xoquqları bülege süzçese Urdur Gunnarsdottir bügen Warşawdan Azatlıq radiosına "Töp iğtibar başqa härtörle ildägeçä saylaw aldı köräşen, xakimiätlär eşçänlegen, kiñküläm mäğlümät çaraların häm qanunnarnı küzätep baruğa yünältelä. Bügen bez älbättä tawış birü häm tawışlarnı sanaw barışın da küzätäbez. Şulay itep bez bu saylawnı häryaqlap küzätergä tırışabız" dide.
Yewropada Iminlek wä xezmättäşlek oyışması Üzbäkstanda moñarçı ütkän saylawlarnı xalıqara qısalarğa turı kilmäde dip bäyälägän ide.
Ğinwar ayında Kärimovqa 70 yäş tula. Anıñ öçençe möddätkä ninqi xoquqıy nigezdä saylanırğa cıyınuı açıq tügel. Üzbäkstan konstitutsiäse ber keşegä 3 märtäbä prezident bulıp torunı röxsät itmi.
Kärimovnıñ ikençe prezidentlıq möddäte äle bu yıl başında uq çıqqan ide. Anıñ uzğan ayda öçençe möddätkä saylanu niäteneñ niçek qabul itelüe añlaşıylmıy.
Kärimov 1995 häm 2002 yıllarda üzeneñ prezidentlıq möddäten referendumnar ütkärep 2 märtäbä ozaytqan ide inde.
Bu saylaw aldınnan ul çit il diplomatlarına 27 million xalqı bulğan üzbäkstanda irekle cämğiät häm bul tormış qorırğa cıyınuın belderde.
Ämma küp kenä kiñküläm mäğlümät çaralarına, şul isäptän BBCğa Üzbäkstanda bu saylawnı yaqtırtu mömkinlege birelmi.
Naif Aqmal