Üzbäkstan üzäk saylaw komissiäse, saylawda qatnaşu xoquqına iä bulğan xalıqnıñ 33 %nıñ saylawda qatnaşuın belderde.
Üzäk saylaw komissiäse matbuğat wäkile, Nizamätdin Nurmatov azatlıq radiosına saylaw näticäläre turında:
"Säğat 12gä qadär, saylawçılar isemlegenä kertelgän saylawçılarnıñ 60 % tawış birde. Saylawnıñ xoquqi buluın äytergä nigez bar."
Üzbäkstandağı qaysı ber keşe xoquqları aktivistları, saylaw bülekçälärendä tawış birü tärtebenen bozıluın kürsätkän dälillär bar di.
Färğanadağı keşe xoquqları aktivistlärennäñ ğabdel Säläm Ärgaşev:
“Min barğan saylaw bülekçäse, yağni Färgana şähäreneñ 10 mäktäbendä äzerlängän saylaw bülekçäsendä, ber niçä keşeneñ böten ğailäse isemlegennäñ tawış birüen kürdem. Monnan tış, saylaw tartmaları aldında utırğan keşe, ber xatınğa saylaw qäğazında qaysı familiä östenä tamğa basırğa ikänen öyrätä ide.Yäğni Karimov familiäsen bilgelärgä ….”
Üzbäkstannıñ Cizzax şähärendäge başqa ber keşe xoquqları aktivistı Baxtiyar Hamrayev , moña oxşaş tärtep bozular turında:
“Bardım häm küzättem. Berençedän, saylawlar bik citdi küzätü astında ütte. İkençedän mine iñ şaqqartırğanı, keşelärneñ 2 - 3 - 4 xätta 6 tapqır saylaw käğazın tartmağa taşlawları buldı.”
BBC kebek, xalıqara xäbär agentlarına Üzbäkstandağı prezident saylawı barışı turında tapşırular yasarğa röxsät itelmägän. Rusiäneñ 1 kanalınıñ xalıqara bülege başlığı Viktoriä Novikova, saylaw barışı turında tapşıru yasaw öçen röxsät birelmäwe turında äytte..
Xätta Yewropada xalıqara iminlek häm xezmättäşlek oyışması, saylaw küzätü bülege dä Üzbäkstanğa çiklängän sandağı küzätüçelären genä cibära alğan.
Üzbäkstandağı AQŞ ilçelege wäkilläre, saylaw barışın küzätüçelär arasında ide,Taşkäntdäge AQŞ ilçelege matbuğat wäkile Molli Stephenson:
“İlçelekneñ ber niçä wäkile bügenge saylaw näticälären küzätte, mäğlümät tuplıybız.”
Ä soñgı kilgän xäbärlärgä qarağanda, İslam Karimov tawışlarnıñ 88.1% alıp, 3nçe tapqır prezident bulu xaqın qazangan. Qalğan namzätlärdän Demokratik Xaılq Patiäsennän Asliddin Röstämov, 3.7 % tawış qına alğan. Saylawlarnı küzätkän Yewropada iminlek häm xezmättäş oyışması, saylawlarda çıñ oppozisiägä urın birelmäde häm Üzbäkstan bu saylawlarda demokratik saylaw şartların buldıralmadı dip belderde.