Accessibility links

шимбә, 3 декабрь 2016, Казан вакыты 16:50

Millionnağan katolik xristian din totuçıları, dönyada raştuanı yäğni Ğisa peyğambär tuğan könne bäyräm itä. Ğadättägeçä bügen bu bäyräm Bäyethlähämnäñ Vatikanğaça mäydannarda cıyılğan xalıq tarafınan qotlandı.


Papı bendikt XVI Vatikanda cıyılğan rim katolikläre belän raştuanı belgeläde. Vatikandağı tantanağa, Rim papısı möräcäğaten tıñlar öçen distä meñläp xalıq cıyılğan ide. Anıñ çığışı 42 ildä turıdañ turı efirdä kürsätelde.

Rim Katolik çirkäwendä 3nçe raştuanı belgelägän 80 yäşlek papı, keşelärne xoday turında, yarlılar häm awır tormıştağılar turında uylarğa häm alarnı qayğırtırğa çaqırdı.

“Yärdämgä möxtac keşegä, sıyınu ezlägän keşegä, ber cılı süzgä möxtac bulğan kürşenä waqıt bülep birergä waqıtıbız barmı? Xoday öçen waqıtıbız barmı?”

Düşämbe könne, Vatikan räsmiläre, izge Peter maydanın açtılar. Nazarethtäge Yosıfnıñ öyendä, Ğisanıñ balaçağı häm ğailäse sürätlängän häykäl yasaldı, läkin ğadättägeçä Bäyethlähäm stilendä tügel ide bu. Vatikan bu üzgäreşne, Ğisa ul Bäyethlähämdä genä tügel, böten dönyağa tuğan digän fikerne çağıldıru maqsatında bolay eşlänüen äytte.

Bügen, Rim papısı katolik raştuası bäyrämendä çığışın Basilika üzäk mäydanında yasadı häm ul bu sälämnäwen dönyanıñ 60 telendä söyläde:

“Raştuanı bez şulay uq incildä Ğisanıñ tuğan cire dip yazılğan Bäyethlähämneñ Könbatış yarda da bilgilebez, bu könne anda meñlägän keşe kiç cıyınıñda ğiybädät qılır öçen cıyıldı.”

İzrail könbatış yarda şähärdäge 8 metrlıq zur iminlek divarı İzge tufraqlarğa raştuanı bäyräm iter öçen cıyılğan xalıqnıñ küñlen töşersä dä, uzğan yıllar belän çağıştırğanda iminlekneñ artuı säbäple çaralarğa qatnaşqan xacilar häm turistlär sanında artış buluı küzgä çağılğan.

Fälestin prezidentı Mäxmüd Abbas ta, Bäyethlähämdäge kiçke cıyınğa qatnaştı.
İzge tufraqlarnıñ katolik ruxaniye bulğan, Latin Pariarx Mişäl Sabbah, Yaqın kön çığışta tınıçlıq buluı öçen doğa qıldı.

“Xodaynıñ monda bergä oçraştırğan bu keşelärenä, bu cirlärdä tormış, gorurlıq häm iminlek iñsen ide” dip doğa qıldı meñlägän cämäğat aldında çığış yasağan papı.
XS
SM
MD
LG