Accessibility links

якшәмбе, 11 декабрь 2016, Казан вакыты 14:55

Bhutto partiäseneñ kiläçäge xäl itelde


NAUDERO - Paqstanda intihar höcümendä üterelgän Paqstandağı oppozisiä başlıqlarınnañ Binazer Bhuttonıñ – Paqstan xalıq partiäse bügen yaña citäkçeneñ kem bulası mäsäläsen xäl itä.

Partiä citäkçeläre şulay uq, ğinvar ayında bulaçaq saylawlarğa qatnaşu mäsäläsendä söyläşte. Bhuttonıñ ire Asif Ali saylawlarğa qatnaşaçaqların belderde. Paqstanda saylawlar 8 ğinvarga planlaştırılğan.

Bhuttonıñ öye urnaşqan Naudero şähärçegendä, bügen oçraşırğa cıyınğan partiä citäkçeläre, Bhuttonıñ ire Asif Ali Zardari häm Bhuttonıñ yärdämçese Mäxdum Amin Fahim isemnäre arasında qarar qılırğa tiyeş ide.

Bügenge söyläşülärdä, partiäneñ kiläse citäkçese kem buluı mäsäläse xäl itelde. Yaña citäkçe üterelgän Binazer Bhuttonıñ 19 yäşendäge ulı Bilawal bulaçaq. Bhuttonıñ ire Asif Ali isä partiä başlığı yärdämçese bulaçaq.

Cıyında şulay uq Bhuttonıñ wasiätedä uqılırğa tiyeş.

Saylawlarğa qarata, elekke premyerlardañ bulğan, Nawaz Şärifneñ oppozisiä partiäse saylawlarğa boykot belderep, Bhutto partisen dä saylawlarda qatnaşmasqa çaqırğan ide.

Xaqimiät saylawlar turında äle belderü yasamadı. Şuña saylawlar bula mı yuqmı älegä belgesez. Bu mäsälädä söyläşer öçen saylaw komissiäse düşämbe könne ber cıyın uzdırır dip kötelä.

Bhutto partiäsı şul uq waqıtta, xökümätneñ Bhuttonıñ ülünä äl-Qaidä cäwaplı digän belderüen kire qaqtı. Partia Bhuttonıñ iminlegen saqılyalmawda xökümätne ğayepläp çıqtı.

Şul uq waqıtta, Rawalpindidä Bhuttonıñ üterelüennäñ soñ çıqqan ğisyan xäräkäten tuqtatu öçen xökümät saqlanu köçlären xäräkätkä kiçerde. Ğisyanda 40 keşe ülgän mal häm kibetlärdä millionlağan dollarlıq ziyan kilgän ide.

XS
SM
MD
LG