Accessibility links

Кайнар хәбәр

Belarus prezidentı, AQŞ wäkilen ildän quu belän yanadı


Belarus prezidentı Aleksandr Lukaşenko, Ägär Waşiñton Minskgä qarşı iqtisadi çikläwlären köçäytsä Amerikan ilçese Karen Stuartnı ildän kuılaçagın belderde.

Bügen prezident Lukaşenko jurnalistlar aldında,
“Amerikannarnı berençe häm soñgı tapqır kisätäm, bezneñ çikläwlärgä qarşı mönäsäbätäbez bik qatı bulır” dide. Lukaşenko “Işanıgız, çikläwlär kertelsä – sezneñ Belarus belän genä tügel başqalar belän dä arağız bozılır” dip äytte.

Noyabr urtasında Quşma Ştataları iqtisat ministrlıgı Amerikanıñ qanatı astında bulgan “Belneftexim”, yağni anıñ Almaniä, Latviä, Ukraina, Rusiä, Qıtay häm Amerikanıñ keçe şirikäte “Belneftrkhim USA”nıñ isäp-xisapların yaptı. AQŞnıñ Minskdäge ilçese Karen Stuart kiçä, Belorusiädä kiläçäktä dä keşe xoquqları bozılsa bu çikläülär tagın da kiñäyteläçäk digän ide.

Lukaşenko fikerençä, Quşma Ştatlar Belarusnıñ Venezuella belän xezmättäşlek başlawına qanäğatsezlänep şulay eşli.
Lukaşenko “Bezneñ iqtisadqa qayda faydalıraq häm bez qayda qabul iteläbez ikän, bez şunda bulırbız” dip belderde. Şulay uq ul bez amerika dollarınnan başka da yaşäp qalırbız, anın urnına yen, yuan qullanırbız yäisä euroga da küçä alabız. Ämma härvakıt bezne tipkäläp yörtü häm bezdän cülär yasawga irek birmiyaçäkbez dide, Lukaşenko.
XS
SM
MD
LG