Accessibility links

шимбә, 10 декабрь 2016, Казан вакыты 04:09

Nawaz Şärif parlament saylawın kiçektermäskä öndi


Lahor, Pakstan. Şuşı ildäge oppozitsiä citäkçese, elekke premyer-ministr Nawaz Şärif Pakstandağı parlament saylawı, Binäzir Bhuttonı üterügä qaramastan, aldan bilgelängän könendä, yäğni ğinwarnıñ 8-endä uzarğa tieş dip belderde. Ul şulay uq, xäzerge prezident Pärwäz Möşärräfneñ urınınnan kitüen häm ildäge xakimiätneñ milli berdämlek xökümätenä tapşırıluın taläp itte.

Şärif, Pakstandağı bar bäxetsezleklär öçen näq menä Möşärräf ğäyeple, dip isäpli. Oppozitsiä citäkçese şulay uq, Möşärräf ildäge terrorçılıqnı beterä dä, kimetä dä almadı, kiresençä, terror xäzer köçäyä genä, häm Quşma Ştatlar monı kürergä tieş, dip belderde.

Elek Pakstan qorallı köçlären citäklägän Pärwäz Möşärräf Taliban häm äl-Qaidägä qarşı köräşkän Quşma Ştatlarnıñ töbäktäge möhim berektäşe sanala.

Pakstannıñ üzäk saylaw komissiäse tawış birü könen kiçekterü mäs'äläsen sişämbedä qarap qarar çığaraçaq.

XS
SM
MD
LG