Accessibility links

якшәмбе, 4 декабрь 2016, Казан вакыты 06:56

New Hampshireda "kire qaytu": Hillary häm McCain ciñde


Bu ciñü Hillary Clintonnıñ saylawaldı eşçänlegenä yaña köç birde

Bu ciñü Hillary Clintonnıñ saylawaldı eşçänlegenä yaña köç birde

New Hampshire'da uzğan berençel saylaw yañadan kötelmägän näticälär birde. Demokratlardan Barak Obama tügel, ä senator Hillary Clinton ciñde, respublikannardan xalıq John McCainnı sayladı.


Äle berniçä genä kön elek Hillary Clinton İowada ciñelüe turında söylägändä küz yäşlären yäşerä almağan ide. New Hampshireda tawış birü – başqa törle näticälär birde.

Tawışlarnı sanap betergändä, Clintonnı- 39%, Obamanıñ 37% alğanı xäbär itelgännän soñ ul, min biredä üz üzemne taptım, dip belderde:

"Bügen küñelem tuldı...New Hampshireğa zur räxmät. Atna buyı min sez äytkännärne tıñladım. Häm min biredä üz tawışımnı işettem."

Soñğı aylarda saylawaldı çığışlarında iñ küp yağrağan süz – "üzgäreş" bulsa, New Hampshireda "kire qaytu" süze yış işetelde.

"New Hampshire mine kire qaytardı. Bez dä bergäläp Amerikanı kire qaytarıyq," dide Clinton.

Ul "kürenmägän amerikannarnı" yağni ğadi xalıqnı yaqlayaçağın belderde. Ere eşquarlıqnı yaqlawçı xäzerge prezidentqa täñqit belderep, Clinton, min ğadi keşelärneñ sälämätlegen qayğırtaçaqmın, dide.

Bu ciñü Hillary Clintonnıñ saylawaldı eşçänlegenä yaña sulış, yaña köç birde.

Yaña köç belän eşkä şulay uq respublikannar namzäte John McCain da totına. İowada Vyetnam suğışı veteranı öçençe genä kilgän ide. Bu yulı ul 37% tawış alıp berençe buldı. Anıñ çığışında da "kire qaytu" turında süz buldı:

"Belgeçlär – eşegez tämam, digäç, yuq, min New Hampshireğa baram, andağı xalıq üz qararların üzläre qabul itä, didem....Alar, nişlärgä cıyınasıñ, fiker beleşülärdä sin artta qaldıñ, sineñ aqçañ yuq, didelär. Min isä – yuq, min New Hampshireğa baram, xalıqqa döreslekne äytäçäkmen didem."

Bu ciñü häm ciñelülär möhim bulsa da, äle barıber zur eşneñ başı ğına. Alda namzätlärne 48 ştatta saylaw kötä. Çiratta sişämbe könne Michigan ştatı, Nevada häm Könyaq Carolina ştatları ay azağına taba...

New Hamsphireda ikençe häm öçençe kilgän namzätlärneñ berse dä – köräştän töşep qaluların äytmäde, kiresençä, saylawaldı kampaniäsen däwam itäçäklären belderde.
XS
SM
MD
LG