Пензада “Наши”ларга урам җыены уздырырга рөхсәт ителмәде

Пензада милиция “Наши” хәрәкәте яшьләренә урам җыены уздырырга рөхсәт итмәде. 20гә якын яшьләр Русия президент сайлауларында оппозициядән нәмзәт булган Михаил Касьяновның халык белән очрашуы вакытында, аңа каршы плакатлар тотып басып тормакчы булган.

Милиционерлар бу чара турында алдан хәбәр ителмәде дип, яшьләргә Касьяновка каршы шигәрьләр кычкырырга һәм плакатлар тотарга рөхсәт итмәгән.