Accessibility links

шимбә, 10 декабрь 2016, Казан вакыты 08:10

AQŞ prezidentı George Bush, sigez kön däwam itkän yaqın könçığış säfären bügen Misırda tämamladı. Bush Misırda, İran häm Süriäne – Libannıñ säyäsi eşlärenä tıqşınunı tuqtatırğa çaqırdı.


Bush artqan neft bäyälären kimeter öçen OPECnen neftne citeşterü külämen arttır digän ömettä qaluın belderde.

Bush üzeneñ Yaqın könçığış säfäre däwamında, İzrail, Könbatış yar, Bahräyn, Quwäyt, Ğaräb Ämerlekläre, Söğed Ğaräbstan häm axırda Misırda buldı.

Bush qaya kitmäsen, säfär waqıtında ike mäsäläne teldän töşermäde.

1. Soñgı arada yañadan torgızılğan İzrail-Fälesten tınıçlıq söyläşüläreneñ töbäk illäre yaqlawına moctaç buluı.

2. İrannı - başqarğan atom programı säbäble – isolätsiäläw kiräklege häm İrannıñ töbäktäge säyäsi eşçänlegen beterü.

Bügen Bush, Misır prezidentı Xösne Möbäräk belän söyläşkändä dä İran tämasın yänädän kütärep çıqtı. Ul, Tähran belän Demaşq Libanda prezident saylawlarında şiğıy suğışçıların yaqlağan säyäsätlären tuqtatıp bu il mäsälälärenä tıqşınmasqa tiyeş dide. Bush şulay uq, xäbärçelärgä, min häm Möbaräq, Könbatış yaqlı premyer ministr Fuad Sinioranı yaqlaw, töbäk däwlätläre öçen möhim buluı turında ber uq fikerdäbez dide.

Libanda prezident saylawları körçekkä tirälde. İldä soñgı 3 yılda 30dan artıq şartlaw buldı, näticädä Süriägä qarşı bulğan köp sanda säyäsätçe häm jurnalist üterelde.

Misırnıñ Qızıldiñgez yarında urnaşqan Şarm äş Şäyxdä Möbäräk belän söyläşkän Bush, kiläse yıl wazifädän kitär aldınnan, İzrail belän Fälestin tınıçlıq turında aralarında kileşerlär digän ömettä qaluın belderde.

“Söyläşülär uñışlı ğına bardı. Min ike arada kileşü bulaçağına oşanam. Mindä mondıy ömet qaldı çönki İzrail belän Fälesten citäkçelärendä kileşü öçen tırışlıq kürsätä. Häm min monın öçen kürşe däwlätlärnen dä alarğa yärdäm itärgä äzer buluın beläm.”

Läkin säfär barışında barı tik säyäsi mäsälälär söyläşelmäde. Bush şul uq waqıtta yağulıq bäyäläreneñ artuına borçılu belderä.

Bushnın kiçä Söğed Ğarabstan patşası Ğabdullah belän söyläşüenen faydası tiyär dip kötelä.

Säfär waqıtında Bush belän bergä yörgän Aq yort süzçese Dana Perino xäbärçelärgä: Prezident bezgä Söğed patşasının, neft bäyäsenen qıybat buluı dönya iqtisadına zur ziyanı bulaçağı mäsäläsen añlaun äytte dide.

Söğed Ğarabstan dönyağa iñ küp neft satqan illärdän berse.

Bush bügen inde Waşiñtonğa qayta. Ä Yaqın könçığış tınıçlıq söyläşülärenä yaqlaw tabu tırışlığı häm neft bäyälären kimetü öçen söyläşülär üz cimeşen birerme, monı waqıt kürsätäçäk.

XS
SM
MD
LG