Башкорстан мәхкәмәсе Бигновны теркәргә таләп итә

Уфа – Башкорстанның Югары мәхкәмәсе берләшкән оппозициянең элекке җитәкчесе Рамил Бигновны депутатлыкка намзәт итеп теркәмәү карарын канунсыз дип тапты. Бу карарны Октябрь районы сайлау комиссиясе чыгарган иде.

Югары мәхкәмә комиссиясе Бигновны Сипайлово сайлау бүлгесеннән республика Дәүләт шурасына намзәт итеп теркәргә таләп иткән карар чыгарган.