Accessibility links

шимбә, 10 декабрь 2016, Казан вакыты 17:55

Pakıstan citäkçese Pärwäz Möşärräf, 8 könlek säfär belän Yewropaga kilde. Yewropanıñ 4 ile Britaniä, Fransiä, Belgia häm Şvetseriädä bulaçaq Möşärräf, Könbatışnıñ ışanıçın yañadan qazanırğa tırışaçaq.


Möşärräfneñ bu Yewropa säfäre, üzenneñ zur bäxäs quptarğan 2nçe tapqır prezident itep saylanuınnan häm köçle oppozisä başlıqlarınnan Bhuttonıñ üterelüennän soñ çit ilgä bulğan berençe zur säfäre.

Möşärräf 1999 yılda xaqimiätkä basıp kergännäñ 2 yıl soñ, terror belän köräştä AQŞ saflarına quşılaçağın iğlan itte. Häm ul il külämendä demokratiäne yañadan torğızaçağın da wäğdä birgän ide. Läkin il eçendäge oppozisiä häm Könbatıştan kilgän basımnarğa duçar qalğan Möşärräf bu wağdälären tormışqa aşıralmadı. 2007 yılda qabat prezident itep saylanğanda, ildä terror höcümnäre dä arttı häm axırda yözlägän keşe xälaq buldı. Bu soñgı terror ğamällärendä şulay uq elekke premyerlardan bulğan Binäzer Bhutto da üterelde.

Şuña, bu atna däwam itäçäk säfär waqıtında Möşärräf aldında, 18 fevraldä bulaçaq saylawlar öçen demokratiä ölkäsendä azraq çaralar kürelüe häm Bhuttonıñ üterelüennän soñ terror belän köräş mäsäläse xaqında bik citdi sorawlarğa cäwap totar dip kötelä.

Şul uq waqqıtta Yewropalılarnı borçığan tağın ber mäsälä, iminlek. Atom ölkäsendä üz qorılmaları bulğan il Pakıstanda, 50 atom çuqmarı bar dip isäplänä.

Bügen säfäreneñ 1. könendä Möşärräf, Yewropanıñ iminlek häm tışqı eşläre yuğarı räsmiye Javier Solana belän oçraştı. Yewropanıñ säyäsi köçenä basım yasağan Möşärräf bolay dide:

“Pakıstan kiläçäkkä taba bigräktä säyäsi nizaqlarnı xäl itü turında Yewropa Berlegeneñ nindi ähämmiätkä iä buluın yaxşı añlıy. Menä şul isäptän min dä Solananı Yewropanıñ bu möhim wazifasın tağın da äwzemräk başqarırğa çaqırdım.”

Möşärräf irtägä Paris säfärennäñ soñ 2 kön däwam itäçäk Dönya iqtisaq formu cıyını öçen Şvetseriäneñ Davos şähärenä kitäçäk. Biredä Möşärräf AQŞ däwlät sekratarı Condaleezza Rice, Äfğanstan Prezidentı Xamit Qarzai häm Ğiraq premyerı Nuri äl Maliki belän oçraşaçaq.

Yewropa Berlege Pakıstan belän iqtisadi bäyläneşlären küptännän saqlıy. Pakıstan belän Yewropa Berlege arasındağı säwdä küläme yılına 9 milliar dollar çaması.

Möşärräf säfäreneñ axırına taba şimbä könne isä Britaniägä baraçaq. Britaniädä ul Premyer Gordon Brown belän oçraşaçaq.

London, Bhuttonıñ üterelüen tikşerü öçen Paqıstanğa maxsus täfteş törkemen cibärgän ide. Rawalpindi şähärendäge cıyılıştan ayrılğanda Bhuttoğa bulğan höcüm waqıtında, atuçı keşeneñ ber keşeme yäisä küberäk keşe buluın turında äle qarşılıqlar xökem sörä.

Pakıstan xaqimiäte höcümdä äl Qaidäğä bäyle bulğan suğışçı başlığı Baytullah Mähsudnı ğayepli. Bu faraznı Amerika küzläw agenlığı CIA dä raslıy. Läkin Mashud nu ğayepläwne kire qağa.

Çärşämbe könne. İslamabad Mäshud citäklägän suğışçılarnıñ Äfğan çigenä yaqın Könyaq Wäzwrstanda qabilälär yäşägän cirne basıp aluda ğayeplägän ide.

Pakıstan xärbi köçläre, bu atna axırında älege töbäktä bulğan bäreleşlärdä 40 suğışçının qulğa alınuın belderde.
XS
SM
MD
LG